Коронавирусийн халдвар дотоодод алдагдсанаас хойш Монгол Улсын хэмжээнд 898 хүн халдвар аваад байна. Халдвар авсан хүмүүсийн эмч сувилагч, ариутгагч зэрэг эмнэлгийн ажилтнууд нэмэгдсээр байгаа нь анхаарал татах асуудал болж хувирч байгаа юм.
Өнөөдөр гэхэд ХӨСҮТ-ийн сувилагчаас халдвар илэрчээ. Ингэснээр эмч ажилтнуудын нийт халдвар 19 болж байна.
Дэлхий дахин өнөөг хүртэл ялан дийлж хүч хүрэхгүй байгаа Ковид 19 цар тахлын үед эмнэлгийн ажилтнууд халдвар авах нь хамгийн эрсдэлтэй болохыг БНХАУ-аас эхлээд жишээлэх улс олон. Учир нь өвчний халдварыг зогсоох гол үүргийг гүйцэтгэж байгаа эмч ажилтнууд өвчлөх нь бусдад халдвар тараах, өвчнийг таслан зогсоох үүргээ биелүүлж чадахгүй байх эрсдэлтэй юм. Нөгөө талаар манай халдвар хамгааллын зарчим алдаатай байгаа гэж харж болох.
Эдгээр асуудлыг холбогдох газрууд анхааралдаа аван ажиллаж байгаа гэж найдья.
Эх сурвалж: shuurhai.mn Г.ОЧИР
