Монгол-Хятадтай хиллэдэг Гашуунсухайт-Ганцмод боомтод Монголын коксжих нүүрсний үнэ нэмэгдэж, 40-60 юань болж өссөн талаар Caixing Global мэдээллээ.
НӨАТ багтаасан үнээр тооцвол угаагаагүй коксжих нүүрсний үнэ тонн тутамдаа 940, угаасан нь 1200 юань болж өсчээ. Түүнчлэн Шивээхүрэн-Сэхэ боомтод хагас коксжих угаасан нүүрсний үнэ 10 юаниар өсөж, 600-620 юаньд хүрчээ. Коксжих нүүрсний чанар муу, хүхэрлэг хий ихтэй, угаагаагүй нүүрсний үнэ долоон юаниар өсөж, 440 юань болсан байна.
Үнэ нэмэгдэх болсон шалтгааныг Гашуунсухайт-Ганцмод боомтоор нэвтрэх нүүрсний тээврийн тоо эрс буурсан, коронавируст халдварын нөхцөл байдалтай холбон тайлбарлаж болохоор байгаа юм. Нөхцөл байдалтай уялдуулан тус боомт дээр нүүрсний тээврийн жолооч нарыг коронавирусний шинжилгээнд хамруулах шуурхай баг байгуулжээ.
Эх сурвалж: shuurhai.mn Г.ОЧИР
