Эрүүл мэндийн яамнаас ээлжит мэдээллээ хийв. ХӨСҮТ-ийн Тандалт судалгааны албаны дарга А.Амбасэлмаа "Өчигдөр 11.00 цагт мэдээлэл хийснээс хойш 20633 хүнд шинжилгээ хийхэд 7 хүнээс коронавирусийн халдвар илэрлээ. Тодруулбал, Улаанбаатарт 6 тохиолдол бүртгэгдсэн. Үүний 4 нь өмнө нь батлагдсан тохиолдлын ойрын хавьтлын давтан шинжилгээнээс илэрсэн. Хоёр нь амгалан гаалын газрын ажилтны тандалтын шинжилгээ. Мөн түүний хүүгээс илэрсэн байна. Ингээд Улаанбаатарт батлагдсан тохиолдол 138 болж байна.
Толруулж хэлбэл, Сүүлийн 24 цагт Баянгол дүүрэгт 2, Баянзүрх дүүрэгт 2, Хан-Уул дүүрэгт 2 илэрсэн байна.
Сэлэнгэ аймагт нэг тохиолдол илэрсэн. Батлагдсан тохиолдлын ойрын хавьтал. Бусад аймгуудад бүртгэгдээгүй.
Аймгуудаар авч үзвэл,
- Архангай аймгийн батлагдсан тохиолдол 3
- Сэлэнгэ аймаг 208
- Орхон 25
- Улаанбаатар 132
- Дорноговь 31,
- Говьсүмбэр 4
- Дархан-Уул 45 байна.
Ингээд дотоодын халдвар 454 болж байна.
Улсын хэмжээнд нийт батлагдсан тохиолдол 905, эдгэрсэн 384, эмчлэгдэж байгаа 512 байна. Үүнээс 440 хөнгөн, 76 хүндэвтэр, 5 хүнд, 1 хүн маш хүнд байна.
Шинээр бүртгэгдсэн гаалын ажилтны хавьтлын 50 гаруй хүнд шинжилгээ хийхэд коронавирус илрээгүй" гэлээ.