Амгалан гаалийн газрын ажилтан болон хүүгээс нь коронавирусийн халдвар илэрсэн. Тэдгээрийн хавьтал хүмүүсийг илрүүлэх ажил эрчимтэй үргэлжилж байгааг ХӨСҮТ мэдээллээ. Ойрын хавьтлаар 58 хүнийг тусгаарласан байна. Мөн хоёрдогч хавьтлын 100 орчим хүнийг олж илрүүлэн шинжилгээ авч байна. Одоогоор 100 гаруй хүнээс халдвар илрээгүй гэв.
Түүнээс гадна Нийслэлийн гаалийн газрын ажилтнуудыг шинжилгээнд хамруулж эхэлжээ. Тус газрын 150 хүнийг шинжилгээнд хамруулж байгаа аж. Ер нь тухайн 2 халдвар авсан хүний хүрээ хязгаар нь 200 орчим хүн байгаа гэнэ.
Түүнээс гадна энэ тохиолдол нь хүн ардын дундаас илэрсэн байх магадлалтай гэж байна. Өөрөөр хэлбэл, албаны хүмүүс гаалийн ажилтны эх үүсвэрийг зарлаагүй байгаа юм. Энэ талаар ХӨСҮТ-ийн Тандалт судалгааны албаны дарга А.Амбасэлмаа “Коронавирус бол агаар дуслын замаар дамждаг. Хүн арддаа байнга сэрэмжлүүлэг өгч байгаа. Улаанбаатар хот бол том голомт. Тандалтын үед дотоодоос нэг, хоёроор коронавирус ирлэх магадлалтай. Цар тахлын үед ийм тохиолдол байдаг. Яагаад ийм хүмүүс гардаг вэ гэхээр батдагдсан тохиолдол хавьтлаа хэлэхгүй байх, мартах санах үе байдаг. Тиймээс олон нийтийн дунд халдвар тархсан байна гэж хүн ардыг айлгаж болохгүй” хэмээв.
Эх сурвалж: shuurhai.mn Г.ОЧИР
