Засгийн газрын өнөөдрийн ээлжит бус хуралдааны дараа Ерөнхий сайд болон Засгийн газрын гишүүд мэдээлэл хийсэн билээ. Энэ үеэр Эрдэнэт үйлдвэрийн өмчлөлийн асуудал хөндөгдсөн.
Энэ талаар ЗГХЭГ-ын дарга Л.Оюун-Эрдэнэ “Эрдэнэт үйлдвэрт 2019 оный 1 дүгээр сард онцгой дэглэм тогтоосон. Учир нь тэр үеэр Сингапур улсад Эрдэнэт үйлдвэрийн 49 хувь шилжих гэж байсныг ийнхүү зогсоосон. Одоо ч Эрдэнэт үйлдвэртэй холбоотой янз бүрийн мэдээлэл хэвлэл мэдээллээр гарсаар байна. Үүний ард Эрдэнэт үйлдвэрийн 49 хувьтай холбоотой асуудлаар Арбитрийн маргаан үүсгэхээр бэлдэж байгаа мэдээллийг авсан. Та бүхний санаархал бүтэхгүй. Хэрэв ийм мэдээллүүд гараад байвал байвал Засгийн газар хөдөлж болно гэдгийг сануулъя” гэсэн юм.
Эх сурвалж: shuurhai.mn Г.ОЧИР
