Монгол Улсын хэмжээнд нийт 10599 хүнд шинжилгээ хийснээс 5 хүнд халдвар илэрчээ. Тэд бүгд Улаанбаатарт байна. Халдвар 3 нь батлагдсан тохиолдлын ойрын хавьтал гэр бүлийн хүмүүсийн хоёр, гурав дахь удаагийн шинжилгээгээр илэрчээ.
Харин 2 нь Баянзүрх дүүргийн Нэгдсэн эмнэлэгт хэвтэж байсан хоёр иргэнээс халдвар илэрчээ. Тэд эмнэлэгт хэвтэхээс өмнө шинжилгээгээр халдвар илрээгүй аж. Харин хэвтсэнээс хойшхи 4, 5 дахь хоногт ийнхүү илэрчээ. Өөрөөр хэлбэл, халдварын нууц үедээ эмнэлэгт хэвтсэн гэж албаныхан үзэж байгаа аж. ХӨСҮТ-ийн мэдээлснээр халдвар авсан хоёр иргэний эх үүсвэр хаанаас болох нь тогтоогдоогүй байна.
Халдвар батлагдсанаас хойш өнөөдрийг хүртэл тэдгээр иргэдийн ойрын болон хоёр дахь хавьтлын хүмүүсээс шинжилгээ авах ажил үргэлжилж байгаа аж. Одоогоор ойрын хавьтлын 69 хүнийг тусгаарлажээ. 179 хүнээс шинжилгээ авахад халдвар илрээгүй гэнэ. Харин хоёр дахь хавьтлын 200 орчим хүнийг гэрт нь тусгаарлажээ.
Эх сурвалж: shuurhai.mn Г.ОЧИР
