Тагнуулын ерөнхий газрын албан хаагчид гадаадын иргэдийг дээрэмдсэн хэрэг энэ оны 1 дүгээр сард гарч байв. Цагдаагийн байгууллагаас тус хэргийн талаар “ОХУ-ын иргэн Г, Монгол Улсын иргэн М нарыг 2020 оны 1 дүгээр сарын 13-ны өдөр үл таних дөрвөн хүн хүч хэрэглэн 50.000 ам.доллар, 2500 еврог дээрэмдсэн гэсэн мэдээллийн дагуу ЭЦА-наас мөрдөн шалгах ажиллагаа явуулахад МУ-ын иргэн 1984-1992 онд төрсөн Н, Д,М, Б нар уг гэмт хэргийг үйлдсэн байж болзошгүй нөхцөл байдал тогтоогдсон байна. Ингээд 1 дүгээр сарын 23-24-нд шилжих шөнө дээрх этгээдүүдийг дайчлан баривчлан саатуулж шалгалтынг ажиллагааг явуулж байна. Тухайн дөрвөн этгээд нь ТЕГ-ын ажилтнууд юм” хэмээн мэдэгдсэн юм.
Уг хэргийн шалгалтын ажиллагаа дуусч шүүхэд шилжжээ. Дээрэмдүүлсэн гадаад иргэн Монголд хөрөнгө оруулдаг бизнесийн салбарын хүн байсан байна. Удахгүй уг хэрэг нэг талд гарах нь.
Тагнуулын байгууллагатай холбоотой хэргүүд сүүлийн үед шил дараалан гарсаар байгаа билээ. Хамгийн сүүлд тагнуулын хурандаа нар шөнийн цэнгээний газарт согтуурсан үедээ танхайрч нэгнийгээ гэмтээсэн хэрэг гарч байв.
Эх сурвалж: shuurhai.mn Г.ОЧИР
