Хууль зүй дотоод хэргийн сайд асан Ц.Нямдорж одоогийн Хууль зүй дотоод хэргийн сайд Х.Нямбаатар хоёр өмнөх парламентад багагүй маргалдсан хоёр фигур. Ялангуяа Эрүүгийн хуулийн төслүүдийг хэлэлцэх явцад УИХ-ын чуулган дээр хэд хэдэн удаа ам зөрөөд авсан хоёр. Нэг удаа сайд асан Ц.Нямдорж “Эрүүгийн хуулийг 2017, 2018 онуудад өөрчилсөн, үүнийг Х.Нямбаатар чи хийсэн. Эх захгүй зүйлийг та нар хийсэн, Х.Нямбаатар аа. Би цогцоор нь засна. Өөрсдөө галзуу зүйл хийчихээд, галзуу зүйл хийсэн хүнээс биш надаас асуудгаа болиорой. 400 хуульч цуглуулж хэлэлцүүлэг хийсэн гэдэг чинь худлаа. Чиний энэ тодрох гэсэн өвчин чинь аминд чинь хүрч мэднэ шүү, Х.Нямбаатар аа. Юу гэж ойлгоно уу, өөрөө мэдээрэй” хэмээн хатуухан хэлэв хатуухан үг чулуудаж байв.
Харин 2020 оны УИХ-ын сонгуулиар парламент өөрчлөгдөж Хууль зүйд дотоод хэргийн сайдын тамгыг Х.Нямбаатар гардаад буй. Үзэл бодол үйл хэргээрээ таардаггүй хоёр “нөхөр” харин өнөөдөр эе эвээ тун эвтэйхэн олсон бололтой. Энэ талаар Х.Нямбаатар сайд саяхны ярилцлагдаа “Саяхан бид уулзаж удаан ярилцсан. “Эрүүгийн хуулийг жаахан өөрчилмөөр л байгаа юм. Чи С.Нарангэрэлийг хажуудаа байгаа дээр энийг урагшлуулаад аваарай” гэж захиж байх жишээний” хэмээжээ.
Эх сурвалж: shuurhai.mn Г.ОЧИР
