Английн дээд шүүхээс Монгол Улсын Ерөнхий сайд асан Сү.Батболдын Лондон дахь 11 сая фунт стерлингийн үнэтэй орон сууцыг худалдан борлуулахыг хоригложээ. Тодруулбал, Сү.Батболдыг олон улсын авилга, мөнгө угаах ажиллагааны хэргээр шалгагдаж байгаа учраас дээрх үл хөдлөх хөрөнгийг борлуулахыг нь хориглож, царцааж байгаа аж.
Энэ тухай Английн өдөр тутмын "The Times" сонинд дурджээ. Түүнчлэн "Тэрбээр 2009-2012 оны хооронд Монгол Улсын Ерөнхий сайдаар ажиллаж байсан бөгөөд улсынхаа хамгийн том гэгдэх Эрдэнэтийн зэсийн уурхай болон Оюутолгойн зэс, алтны уурхайтай холбоотой хууль бус наймаанаас хэдэн зуун сая доллар авилгад авсан гэж буруутгагдаад байгаа юм. Мөн энэхүү үл хөдлөх хөрөнгө нь ч ийм аргаар орж ирсэн гэж шүүхээс үзэж буй ажээ.
Иймд тус улсын шүүгч Марк Пеллинг 11 дүгээр сарын 18-ны өдөр Найтсбридж /Knightsbridge/-ийн орон сууцны хороолол дахь байрыг нь ийнхүү царцаах захирамж гаргасан байна. Шүүхээс энэхүү байр нь ноён Батболд болон түүний ойр дотны хүмүүс олон жилийн туршид хамт ашиглаж ирснийг нотлох маш олон баримт байгааг мэдэгдсэн аж. Сү.Батболдын Лондон дахь 11 сая фунтээр үнэлэгдсэн байрыг худалдахыг хоригложээ Erennews MN · Сү.Батболдын Лондон дахь 11 сая фунтээр үнэлэгдсэн байрыг худалдахыг хоригложээ Erennews MN Сү.Батболдын Лондон дахь 11 сая фунтээр үнэ… Play more tracks like Сү.Батболдын Лондон дахь 11 сая фунтээр үнэлэгдсэн байр… denvau Đen x JustaTee - Đi … Lil Durk Backdoor Cookie policy “ Харродс, Хайд Паркийн хооронд байрладаг Найтсбридж орон сууцны хороолол нь Хонконгийн иргэн, тэрбумтан Хенри Ченгийн өмч хөрөнгийн нэг хэсэгт тооцогддог ба 2005 онд баригдсан 201 хавтгай дөрвөлжин метр цогцолбор юм. ”
Түүнчлэн одоогоор Ерөнхий сайд асны хууль бус хөрөнгийг шалгаж үзэхэд Нью-Йорк, Хонконг, Орос, Тайланд болон Лондон дахь үл хөдлөх хөрөнгийг багтаасан нийтдээ 57 сая ам.долларын олон улсын үл хөдлөх хөрөнгө байгааг шүүхээс тогтоожээ. Мөн ноён Сү.Батболдын эзэмшдэг Виржинийн арлууд дээрх нэгэн компани Лондон дахь энэ байрыг эзэмшигч гэдгийг тогтоосны сацуу 2017 онд уг компани нь энэ барилгаас эзэмшдэг байсан өөр нэг байраа Кипр-Израилийн тэрбумтан Тедди Сагид 31 сая фунтээр худалдсан байсныг ч олж мэдсэн гэсэн байна.
Мөн ноён Батболд болон түүний бусад хамтран ажиллагсад ийм оффшор компаниудын “лабиринт систем” байгуулсан нь хууль бусаар олж авсан хөрөнгөө Монголын эрх баригчдад мэдэгдэхээс хамгаалах зорилгоор бий болгосон байсан гэж АНУ-ын шүүхэд ирүүлсэн шүүхийн материалд дурджээ.
Эх сурвалж: Erennews.mn
