“Зүрхний төрөлхийн гажиг” гэх өвчин дэлхий нийтэд түгээмэл болсон бөгөөд манай улсад ч энэ өвчниймэс засалд орох зайлшгүй шаардлагатай хүүхэд олон байдаг.
Хүний орчлонд ирэх хосгүй хувь заяаг олсон ч үдлээд буцахын дайтай амьдрах хувь тохиосон бяцхан зүрхнүүд юутай харамсалтай... Гэхдээ бусдыг зовлонгоос гэтэлгэж, амьдрал бэлэглэх ачтан байгаа нь бас юутай азтай, юутай сайхан.
Тэрхүү ачтан бол “Зүрхний гэгддэг Б.Болдсайхан эмч”. Түүнийг “Сонгдоогийн”, “Сахал”, “Нийтлэлч” гэх зэргээр монголчууд авгайлдаг. Гэхдээ эдгээрээс “Зүрхний Болдсайхан” гэх нь илүү зохисон гэлтэй.
“ Бяцхан зүрхнүүдийн өвчнийг үе дамжсан эмч тэр л мэдрэхээс ёстой өөр хэн мэдрэх билээ. Тийм дээ ч тэрбээр хүүхдүүдэд амьдрал бэлэглэх "Зүрх мартахгүй" төслийг 2020 оны 5 дугаар сараас эхлүүлж энэ ахархан хугацаанд олон хүүхдэд амьдрал бэлэглээд байгаа билээ. Гэхдээ аяныг зөвхөн түүнийг эхлүүлсэн гэвэл бас дутуудсан ойлголт болох бөгөөд түүний тэргүүлдэг “Улаанбаатар Сонгдо” эмнэлгийн хамт олон энэ төслийг санаачлан, хэрэгжүүлж байгаа. ”
Өчигдөрхөн “Өлгийн Нурали хүүгийн зүрхийг 27 мин зогсоож ховдлын цоорхой нөхөх хагалгаа хийсэн, сайн болсон ... араас нь залгаад өөрөө зүрхний зүүн титэм судсандаа стент тавиулах мэс засалд орлоо... сэхээнд хүүхдүүдтэй зэрэгцээд хэвтэж байна... гэсэн мэдээлэл цацагдаж ерөөлийн, гэгээлэг сайхан үгсээр цахим орчныг бараг л бялууруулав.
Тэрбээр хагалгаа хийх хүүхдээ өөрөө үзэж, оношилдог гэж хэлж болно. Түүнийг нь
“Өлгийн бүх сумдаар явж 162 хүүхэд үзэв, 52 нь хагалгаанд орно. Таван богдын наадах Ойгор багаас Нуршуан охины зүрхний өвчин хүндэрсэн тул бүх зардлыг дааж Улаанбаатар авч явна... (Буцвал цас хааж хавраас нааш ирэхгүй) яаралтай мэс засал орно... хагалгааны зардалд туслах хүн байвал холбогдоно уу... гэсэн өөрийнх нь постноос ойлгож болно.
Болдсайхан эмчийн аав Бундан ч бас зүрх судасны эмч бөгөөд Монголд зүрх судасны мэс засал бий болох суурийг тавьсан нэгэн. Ээж дүү нь ч эмч. Ер нь л тэд Монголынхоо, хүн ардынхаа төлөө хоёргүй сэтгэлээр зүтгэж яваа ЦАГААН НӨМРӨГТ БААТРУУД билээ.
Ард түмэн өнөөдөр түүнийг магтаалын үгээр мялааж илааршихад нь дэм, урам өгч байна. Энэ нь түүнийг хэрхэн үнэлдгийн бас нэгэн илрэл юм.
Сургууль төгсөөд төрсөн нутаг Говь-Алтайнхаа Төгрөг суманд очин ажилласнаар эмчийн ажлын гараагаа эхэлсэн түүнд өнөөдөр “Бундан зүрхний Бурхан эмч” гэх алдрыг ард түмэн өглөө. Засагт ханы хөх харчуулын нэг түүнийг ард түмэн, тэр тусмаа олон олон бяцхан зүрх хүлээж байна.
Сайн үйлс бүхэн дэлгэрч, сайхан үрс нь эрүүл байг гэх ерөөлийн үгээр Бундан зүрхний Бурхан эмч”-дээ сэтгэлийн мялаалга өргөе.
