Америкийн алдарт "Car and Driver" сэтгүүлээс шинэ мэдээллийг дэлхий нийтэд хүргэж байна. Энэ нь автомашин тэр дундаа "Land Cruiser" сонирхогчдыг гонсойлгож мэдэх мэдээ болж магадгүй.
Учир нь Японы алдарт "Toyota" компани 60 гаруй жилийн түүхтэй "Land Cruiser 200" загварыг ахиж үйлдвэрлэхгүй талаар дээрх сэтгүүлд мэдээлжээ.
Гэхдээ үйлдвэрлэлийг ингээд шууд зогсоочихгүй бөгөөд хамгийн сүүлийн загварыг ирэх 2021 онд үйлдвэрлэх юм байна. Энэ мэдээллийг хийсний дараа холбогдох газрын мэргэжилтнүүд магадгүй тус компани 2022 оноос 300 ангиллын анхны "Land Cruiser" загварыг зах зээлд гаргахаар төлөвлөж байж магадгүй гэж байгаа ч энэ нь огтхон ч баталгаатай, тодорхой шийдвэр биш зөвхөн таамаг юм.
Коронавирусын цар тахалтай холбоотойгоор "Land Cruiser" автомашины борлуулалт огцом буурч, үүнтэй холбоотойгоор дээрх шийдвэр гарсан байж болзошгүй гэж мэргэжилтнүүд үзэж байна.
