Монгол Улсад өнгөрсөн 24 цагийн дотор нийт 8894 хүнд PCR шинжилгээ хийхэд 16 хүнээс коронавирус илэрчээ. Тэдний 10 нь нийслэлийн БЗД-ийн Нэгдсэн эмнэлгээс голомтоос гаралтай байна. 2 нь өвчтөн, 8 нь гэр бүлийн хүмүүс, бусад нь эмч ажилтнууд, сувилагч, ариутгагч, жолооч нар байгаа аж. Ингэснээр БЗД-ийн Нэгдсэн эмнэлэгт гарсан нийт халдвар 194 болжээ.
Харин бусад 6 хүн нь Цэргийн төв эмнэлэгт эмчилгээ үйлчилгээ үзүүлж байгаа эмч ажилтнууд аж.
Бусад голомтот шинээр халдвар бүртгэгдээгүй байна.
Хавьтал хүмүүсийн шинжилгээний хувьд БЗД-ийн Нэгдсэн эмнэлгийн голомтын нийт хавьтал 1555 хүн байгаагаас хамгийн ойрын хавьтал 680 хүний 3 дахь удаагийн давтан шинжилгээг хийж дуусчээ. Мөн ХСҮТ-д батлагдсан 2 тохиолдлын ойрын хавьтад 130 хүний эхний шинжилгээ хийгдэж дуусчээ.
Монгол Улсын хэмжээнд коронавирусээр халдварласан нийт хүний тоо 1137 болж байна.
Эх сурвалж: shuurhai.mn Г.ОЧИР
