УОК-ын гишүүд цаг үеийн асуудлаар мэдээлэл хийж байна. Одоогоор Улаанбаатар хотын хэмжээнд бүх нийтийн бэлэн байдлын зэрэгт шилжүүлэх хугацааг 14 хоногоор сунгасан билээ. Хугацаа ирэх нэгдүгээр сарын 6-нд дуусах товтой.
Олон нийтийн зүгээс Монгол Улс иргэдээ хорьж цагдаж эрхийг зөрчиж, эдийн засгийн алдагдал хүлээлгэж байна хэмээн шүүмжлэл гарсаар байгаа юм. Энэ асуудалд УОК-ын дарга, Шадар сайд Я.Содбаатар тайлбар өгсөн.
Тэрээр “Гадаадын улс орнууд халдвар гарч эхлэх үед эдийн засгаа хамгаалж үлдэхээр хөл хорио тавиагүй. Үүнээс болж маш олон хүнээ алдсан гашуун түүх гадаадын маш олон улсад бий. Харин Монгол Улс хүн ардаа хамгаалахын тулд ингэж хөл хорио тогтоохоос өөр аргагүй. Цаашид голомт нэмэгдэхгүй бол хөл хориог сулруулж хэвийн байдалд шилжүүлнэ. Харин даамжирч тархалтын хүрээ нэмэгдсээр байвал хөл хорио тавигдахаас аргагүй. Нийтийн вакцинжуулалт хийх хүртэл дэлхийн улс орнууд хөл хориог тогтоосоор байна” гэв.
Эх сурвалж: shuurhai.mn Г.ОЧИР
