УОК Шуурхай штабаас цаг үеийн мэдээллийг өгч байна. Хамгийн түрүүнд Эрүүл мэндийн сайд Т.Мөнхсайхан тайлбар хийлээ.
Тэрээр сүүлийн хоёр хоногт нөхцөл байдал өөрчлөгдөж байгааг онцоллоо. Өөрөөр хэлбэл, батлагдсан голомтоос гадна ард иргэдийн дундаас 18 тохиолдол гараад байгаа аж. Тэд хаанаас халдвар авсан талаарх мэдээлэл одоог хүртэл батлагдаагүй байгаа гэнэ.
Энэ талаар Эрүүл мэндийн сайд Т.Мөнхсайхан “БЗД-ийн Нэгдсэн эмнэлгийн том голомттой холбоотой тус дүүрэгт өргөжүүлсэн тандалт судалгаа байнга хийж байна. Нийт 85000 өрхөөс шинжигээ авлаа. Эндээс Нэгдсэн эмнэлэгтэй холбоогүй тохиолдол өчигдөр, өнөөдөр хоёр хоногийн хугацаанд илэрлээ. Одоогийн байдлаар шалтгаан тодорхойгүй 4 голомт байна.
- Мөнххада компанийн 6 ажилтан
- БЗД-ийн хэмжээнд хийсэн 85000 хүний шинжилгээнээс гэр бүли йн 2 иргэний халдварын эх үүсвэр тодорхойгүй
- БГД-т сайн дураараа шинжилгээ өгсөн гэр бүлийн 2 иргэн
- БЗД-ийн ганцаар амьдардаг дархлаа султай ахмад настны шинжилгээний эх үүсвэр тодорхойгүй байгаа.
Үүнээс БГД-т сайн дураараа шинжилгээ өгсөн гэр бүлийн 2 иргэн, БЗД-ийн хэмжээнд хийсэн 85000 хүний шинжилгээнээс гэр бүлийн 2 иргэний халдварын эх үүсвэр тодорхойгүй байсан иргэдийн халдвар авсан голомт нь БЗД-ийн Нэгдсэн эмнэлэгтэй холбоотой болох нь тогтоогдоод байна.
Ингэснээр одоо:
- БЗД-ийн Нэгдсэн эмнэлгийн голомт
- ХСҮТ-ийн голомт
- “Мөнххада” ХХК дээр гарсан голомт
- БЗД-ийн ганцаар амьдардаг дархлаа султай ахмад настны шинжилгээний эх үүсвэр тодорхойгүй байна.
Өнөөдрийн үүсч байгаа нөхцөл байдал бол халдварын голомтолсон хэлбэрээр явж байна. Нөхцөл байдал цаашид хэрхэн яаж үргэлжлэх сая илэрсэн шинэ голомтуудын ойрын болон хоёрдолгч хавьтал хэрхэн үргэлжлэхээс их зйүл шалтгаална. Нэг үгээр өнгөрсөн 2 хоногийн хугацаанд тодорхойгүй байсан голомтуудтай холбоотой ар гэрийн дунд явж байсан 18 тохиолдол бүртгэгдсэн. Тиймээс тандалт судалгааны ажил үргэлжилсээр байна” гэлээ.
Эх сурвалж: shuurhai.mn Г.ОЧИР
