Нийслэлийн Баянгол дүүргийн нутаг дэвсгэрт байрлах хэд хэдэн эмнэлгийг тусгаарлалтад авсан талаар өчигдөр хэвлэлүүд мэдээлж эхлэв.
Гэмтэл согог судлалын үндэсний төвийг өчигдрийн 18:00 цагийн орчимд тусгаарлалтад авсан байна. Тодруулбал, тус эмнэлгээр коронавирусийн халдвартай байж болзошгүй хүн үйлчлүүлснийг тогтоосон аж. Улмаар тухайн иргэнээс PCR шинжилгээ авч, ХӨСҮТ-д сорьцыг хүргүүлжээ. Шинжилгээний хариу гартал ГССҮТ-ийн эмч, ажилтнуудыг гаргалгүй хөл хорьсон байна.
Түүнээс гадна Баянгол дүүргийн 7 дугаар төвийг ч мөн өчигдөр оройноос хөл хорио тогтоож эхэлсэн гэх мэдээлэл байна.
ЭМЯ-наас өчигдөр хамгийн сүүлд Ачтан эмнэлгийн 9 ажилтан коронавирусийн халдвар авсныг зарласан юм.
Эх сурвалж: shuurhai.mn Г.ОЧИР
