Засгийн газар, УОК-ын шийдвэрээр маргаашаас эхлэн бэлэн байдлын зэргийг сулруулж, зарим үйлчилгээний газруудыг нээхээр болж байна.

Харин нээх боломжгүй болсон үйлчилгээний салбарыг мөн нэрлэсэн юм. Энэ талаар Нийслэлийн Засаг даргын нэгдүгээр орлогч Ж.Сандагсүрэн тайлбарлахдаа "Өнгөрсөн хугацаанд Улаанбаатар хотын үйлдвэрлэл үйлчилгээний салбаруудад эрсдэлийн үнэлгээ хийж, ямар хяналт тавихаа зохицуулсаар ирсэн. Та бүхний мэдэж байгаачлан хөл хорионы үед зайлшгүй шаардлагатай салбаруудын үйл ажиллагаа үргэлжилж байсан. Тухайлбал, хүнсний үйлдвэрлэл худалдаа, цахилгаан, дулаан үйлдвэрлэл хэвийн ажиллаж байгаа.

Ирэх долоо хоногийн Даваа гарагаас буюу 2021 оны нэгдүгээр сарын 11-ний өдрөөс үйл ажиллагаа явуулах байгууллагуудын жагсаалтыг гаргалаа. Ингэхдээ олон хүн нэг дор цуглах эсэх, агаар дуслын замаар дамждаг халдвар дамжих чийглэг орчин уу, үйлчлүүлэгчидтэй ямар хугацаанд харьцаж байна вэ гэдгийг харгалзан байгууллагуудын үйл ажиллагааг нээхээр болсон.

Тодруулбал, захирамжийн хавсралтад тусгаагүй чиглэлийн үйл ажиллагааг нээж байгаа. Арванхоёрдугаар сарын 14-нөөс энэ зохицуулалт хэрэгжиж байсныг та бүхэн санаж байгаа байх. Үүнтэй холбогдуулан Засаг даргын захирамж гарна" гэв.

Дараах 18 чиглэлээс бусад салбарын үйл ажиллагааг нээнэ.

Эх сурвалж: shuurhai.mn Г.ОЧИР