Ерөнхий сайд асан Ж.Эрдэнэбат, УИХ-ын гишүүн Н.Номтойбаяр нарыг хохиролгүй хэрэгт яллаж байгаа талаар олон нийт үздэг.
Уг хоёр хэргийг Улсын дээд шүүх өнгөрсөн 7 хоногт хянах ёстой байсан ч хойшлогдоод байна. Харин энэ асуудлаар УЕПГ-аас байр сууриа илэрхийллээ.
Тус мэдээлэлд:
-Улс төрийн хоригдол гэх ойлголт байдаггүй. Н.Номтойбаяр, Ж.Эрдэнэбат нарыг Эрүүгийн хуулийн тусгай ангийн 22.1 дүгээр зүйлд албан тушаал, эрх мэдлээ урвуулан ашиглах гэмт хэрэгт давуу байдал бий болгох гэсэн шинжийг тодорхойлсон. Энэ хуульд заасан гэмт хэргийн шинжийн тодорхойлолт нь эрх мэдэл, албан тушаалаа урвуулсан үйлдэл эсвэл эс үйлдэхүй байна. Үүний улмаас бусдад эрх, давуу байдал, тэгш бус байдал бий болгосон нөхцөл байдал байхаар хуульчилсан. Энэ нь заавал өртгөөр үнэлэгдэх хэмжээний хохирол учруулсан байхыг энэ гэмт хэргийн шинжид шаарддаггүй. Тийм учир энэ зүйлчлэлээр шийдвэрлэсэн хэргүүд дээр хууль бус буюу хууль зөрчиж шийдвэр гаргасан процесс байхгүй гэжээ.
Эх сурвалж: shuurhai.mn Г.ОЧИР
