“Элийрэгч” гэх нэрээр твиттер /twitter/ сайтад танигдсан Ц.Уянга “Ёорк”, “Еөк”, “Жонхуу” гэх мэт нэр хочийг ашиглан “Тэр 60 тэрбумын сүлжээнд чинь Монгол ална бөхийн алуурчин цэрэг юу хийгээд дарга болцон явжээсийн, Жонхуугийн цэргийн хүн алсан сенсацийг замхраах гэж зориудаар төмөр замыг эвдэж осол гаргасан...” хэмээн Ерөнхийлөгч Х.Баттулгыг гутаан доромжилсон, гүтгэсэн хэмээн хоёр жилийн өмнө шүүхэд дуудагдаж байв.
Шүүхээс Ц.Уянгад Зөрчлийн хуулиар 2 сая төгрөгийн торгууль тавьж шийдвэрлэсэн юм. Харин хариуцагч нэхэмжлэл гаргасаар уг хэрэг 2 жилийн хугацаанд үргэлжилсээр саяхан эцсийн шийдвэрт хүрчээ.
Өөрөөр хэлбэл, Ц.Уянга (элийрэгч) нь Ерөнхийлөгч Х.Баттулгыг гүтгэсэн гэх зөрчлийн хэргийг анхан шат, давах, буцаад анхан шат шийдэж, эцэст нь шийтгэлийн хуудсыг хүчингүй болгожээ.
Эх сурвалж: shuurhai.mn Г.ОЧИР
