Өнгөрсөн амралтын өдрүүдэд хүний амь насыг хохироосон хэд хэдэн ноцтой хэрэг гарчээ. Тодруулбал, Баянзүрх дүүргийн тавдугаар хороонд "Монос 2 нийтийн байрны ..... тоотод хоёр иргэн архидан согтуурч байгаад нэгнийхээ аминд хүрсэн харамсалтай хэрэг гарсан байна. Тус байрны ... тоотод оршин суух 54 настай эрэгтэй М нь, согтуурсан үедээ тус байрны .... тоотод оршин суух 41 настай эрэгтэй Ч-гийн хэвлийн тус газарт нэг удаа хутгалж аминд нь хүрчээ.
Мөн Орхон аймгийн Баян-Өндөр сумын Уртын гол багт 35 настай У нь согтуурсан үедээ нөхөр 40 настай О-гийн цээжин тус газар нэг удаа хутгалж, амь насыг нь хохироосон байна.
Түүнчлэн Налайх дүүргийн наймдугаар хорооны .... байрны ... тоотод оршин суух 47 настай эрэгтэй Ч цээжин тус газраа хутгалуулсан байдалтай амиа алдсан байжээ. Гэмт хэрэгтнийг шуурхай эрэн сурвалжлан олж илрүүлсэн бөгөөд Хэнтий аймгийн Хэрлэн сумын Номгон багт суух 38 настай эмэгтэй Р нь согтуурсан үедээ нэг удаа хутгалж, хөнөөгөөд хэргийн газраас зугтсан байсан аж.
Дээрх хэргүүдийг харьяа цагдаагийн хэлтсүүд шалгаж эхэлжээ.
