УИХ-ын гишүүн Г.Амартүвшин Хөгжлийн банкны захирал байхдаа эдүгээ хамтран зүтгээд байгаа УИХ-ын гишүүн Х.Ганхуяг, Г.Дамдинням нарын хамаарал бүхий “Вертекс майнинг партнер” ХХК-д 33 тэрбумын зээл олгох шийдвэрийг гаргасан томоохон дуулиан болоод байна.

Тус компанийн хувьцаа эзэмшигчээр Г.Дамдинням УБЕГ-т бүртгэлтэй бол, Х.Ганхуягийн дүү Х.Хашчимэг нь Гүйцэтгэх захирлаар ажилладаг аж. Ийм сэжмээг холбогдсон гишүүд УИХ-ын даргад Бичил бизнесийн зээлийг 50 хувиар бууруулах тогтоолын төслийг өргөн барьчихаад байгаа.

Ашиг сонирхол нэгтэй гишүүд бизнесийн зээлийг хүүг 50 хүртэл хувиар бууруулахыг санаархаж байгаа нь ард олонд гэхээс илүү өөрсдийн амин хувийн эрх ашиг байна уу гэж хардах үндэслэл байгаа юм.

Тэгвэл энэ асуудлаар хамгийн түрүүлж УИХ-ын Г.Дамдинням байр сууриа илэрхийлжээ. Тэрээр :

-Уул уурхайд ажилладаг компани. Хэвийн ажиллаж байгаа цөөн салбарын нэг. Хүүгээ төлөөд, татвараа төлөөд, ажлын байр бий болгоод л явж байгаа аж ахуйн нэгж. Улс төрд орох эсэх нь мэдэгдэхгүй үед л болсон хэвийн бизнесийн ажил. Тоног төхөөрөмжийн лизингийн зээл. Өөрөөр хэлбэл уг зээл шууд тоног төхөөрөмж үйлдвэрлэгчдэд шилжсэн гэсэн үг. Юун угаах байх вэ дээ.

1. Зээл авахад гишүүн байгаагүй

2. Арилжааны хүүтэй, барьцаатай, хэвийн зээл

3. ЖДҮ шиг хөнгөлөлттэй зээл биш, ББСБ оруулж хүүлээгүй

4. Зориулалтын дагуу тоног төхөөрөмжийн лизингийн төлбөрт компани нь зарцуулсан

5. Өргөн барьсан УИХ-ын тогтоолын төсөлд энэ зээл хамрагдахгүй гэжээ.

Эх сурвалж: shuurhai.mn Г.ОЧИР