УИХ-ын чуулганы хуралдааны дундуур Ерөнхийлөгч Х.Баттулга орж ирэн мэдэгдэл хийлээ.
Тэрээр “УИХ-ын эрхэм гишүүд ээ, УИХ-ын дарга, Ерөнхий сайд аа. Өнөөдөр Монгол Улсын түүхэнд хараар тэмдэглэгдэх өдөр тохиож байна. Монголын ард түмний итгэл найдварыг хүлээж манлайлан дагуулж төр улсаа удирдах үнэмлэхүй эрхийг МАН-д авчирсан Монгол Улсын 31 дэх Ерөнхий сайд Ухнаагийн Хүрэлсүх тааж тааварлахын аргагүй учир битүүлэг шалтгаанаар үүрэгт ажлаасаа нэн шуурхай огцрохоор боллоо. Харамсалтай байна. Монгол Улсын Ерөнхий сайд Монголын ард түмний итгэл хөсөрдүүлэх ийм үйлдлийг яагаад хийх хболов. Үндэсний эв нэгдлийг бусниулах Монгол Улсын Ерөнхийлөгчийг илэрхий гүтгэх үг үйлдлийг яагаад хийх болов гэдэгт эргэлзэхийн дээдээр эргэлзэж гайхахын дээдээр гайхаж байна. Улс Монголынхоо төлөө хоёргүй стэгэлээр хамтран зүтигэсэн Ерөнхий сайдаас маань ийм үг үйлдэл гарна чинээ би санасангүй. Нэгэн зүйл маш тодорхой байна. Тусгаар Монгол УЛсыг эзэгнэн дарлах гэсэн тодорхорй бүлэглэл, бүр тод орхой хэлбэл УИХ-ын гишүүн, Ерөнхий сайд байсан Сү.Батболдын удирдсан бүлэглэл төрийн эргэлт хийж байна. Өнөөдөр Оюутолгойн төслийн үйл ажиллагааг дотоодын төдийгүй гадаадын хууль хяналтын байгууллага шалгаж эхэлэн бөгөөд гол холбогдогч нь Сүхбаатарын Батболд гэдгийг хаа хаанаа тогтоогоод эхэлсэн. Ийм учраас тэр Монголын төрийг хямрааж, Монголын ард түмний сонголтыг нухчин дарах удирдах зохион байгуулах хэрэгжүүлээд эхэллээ. ҮАБЗ-ийн гишүүд урд өмнөх ҮАБЗ-өөс илүү нэгдмэл санаа бодол нэгэн кзорилготойгоор хамтран ажиллаж улс орны өмнө тулгамдсан асуудлуудыг нэг цонхоор харж чадаж байсан. Монгол Улсын Төрийн тэргүүн ҮАБЗ-ийн тэргүүний миний бие ардчилал анх эхэлсэн цэгтээ эргэж ирлээ гэж дүгнэж байна. Монгол Улс засаглалын хямралд орлоо гэдгийг УИХ-ын индэр дээрээс дүгнэн мэдэгдэж байна. ҮХ-ийн нэмэлт өөрчлөлтийн зөвлөлдөх ажлын хэсгийг миний бие өөрөө ахалж ажилласан байсны хувьд Засгийн газрын насжилт урт удаан хугацаанд үр дүнтэй ажиллах ёстой хэмээн үзэж Ерөнхий сайдын эрх мэдлийг нэмэгдүүлж Үндсэн хуулийн нэмэлт өөрчлөлтийг саяхан баталж байсан. Иргэдийн сайн дураараа эвлэлдэн нэгдсэн жагсаалыг хэн нэгэн удирдан зохион байгуулсан мэтээр илтэд хуурамч мэдээлэлд итгэн гаргаж буй мэдэгдэлд туйлын харамсалтай байна. Өөрийнхөө шууд удирдаж буй Тагнуулын ерөнхий газар болон Цагдаагийн ерөнхий газрын удирдлагуудаас мэдэх бүрэн боломж байгаа. 2020 оны УИХ-ын сонгуулийн үр дүн бол Ерөнхий сайд У.Хүрэлсүхийн хувь хүний манлайлал нэр хүндэд итгэж найдсан хувь хүний сонголт байсан юм. Гэтэл эдийн засаг цар тахлын нэн эрсдэлтэй цаг үед нийт ард түмний сонголт итгэл найдварыг хөсөрдүүлэх эрх энэ хүнд байхгүй.
Би Монгол Улсын 31 дэх Ерөнхий сайд Ухнаагийн Хүрэлсүхийг үүрэгт ажлаасаа чөлөөлөгдөхийг огт дэмжихгүй байна гэдгийг мэдэгдье” гэв.
Эх сурвалж: shuurhai.mn Г.ОЧИР
