Монгол Улсын Ерөнхий сайд У.Хүрэлсүх Ерөнхий сайдын албан тушаалаасаа огцорч буйгаа мэдэгдсэн. Тэгвэл дараагийн Ерөнхий сайд хэн болох вэ гэсэн асуудал гарч ирж байна.
Эх сурвалжуудын мэдээлж буйгаар өнөөдөр өглөө 09.00 цагт МАН-ын Удирдах зөвлөл, 10.00 цагт Бага хурал хуралдаж дараагийн Ерөнхий сайдын нэрийг УИХ-д оруулна.
Шинэ Ерөнхий сайдад УИХ-ын гишүүн, Сангийн сайд Ч.Хүрэлбаатар, УИХ-ын гишүүн, ЗГХЭГ-ын дарга Л.Оюун-Эрдэнэ, мөн МАН-ын Ерөнхий нарийн бичгийн дарга Д.Амарбаясгалан нарын нэрс яригдаж байгаа аж.
