УИХ-ын гишүүн, ХНХ-ын сайд Н.Номтойбаяр нарт холбогдох хэргийг Улсын дээд шүүхийн Эрүүгийн хэргийн хяналтын шатны шүүхэд өнөөдөр хэлэлцэнэ.
Хурал үдээс хойш орох товтой байна. Учир нь тус шүүх өнөөдөр 8 хэргийг хэлэлцэх бөгөөд уг хурал хамгийн сүүлд товлогджээ. Одоогоор 3 дахь хурал ороод байгаа юм.
Н.Номтойбаяр, Б.Нямдаваа, Б.Шижиржаргал, Н.Баттөгс, Н.Ууганбаяр, Д.Батмөнх, М.Нямдэмбэрэл, Н.Алтансувд нарт эрх мэдлээ урвуулж, тогтоол гарган, орон нутаг, нийслэлийн онцлог, хэрэгцээнд нийцүүлсэн нэгж төслийн төсөв өртгийг 200 сая төгрөгт багтаан, нээлттэй зарлах удирдамж баталсан зэрэг гэм буруутайд тооцсон байдаг.
Анхан болон давж заалдах шатны шүүхээс Н.Номтойбаярыг нийтийн албанд томилогдох эрхийг таван жилийн хугацаатай хасаж таван жил таван сар хорих ял оноосон юм.
Эх сурвалж: shuurhai.mn Г.ОЧИР
