Алдарт хөлбөмбөгч Кристиано Роналдо Италид найз бүсгүйнхээ төрсөн өдрийг тэмдэглэхийн тулд хөл хорионы дэглэмийг зөрчсөн хэргээр шалгагдаж байгаа аж. Тэрбээр Италийн баруун хойд хэсгийн Пьемонтоос хил залгаа Валле-д’Аоста нутагт зорчиж, “Covid-19” цар тахлын халдвар тархахаас сэргийлэх хөл хорионы дэглэмийг зөрчсөн хэрэгт буруутгагджээ.
Олон нийтийн сүлжээнд тавигдсан одоо устгагдсан бичлэг дээр Роналдогийн найз бүсгүй Жеоржина Родригуэз 27 нас хүрдэг өдөр цанын баазад цасны машинаар хамт явж байгаагаас үүдэн энэ хэрэг үүссэн байна. Тиймээс Валле-д’Аоста бүс нутгийн цагдаа нар тэдний байрласан гэх Курмайер цанын баазад шалгалт хийж эхэлжээ. Тус бүс нутаг нь иргэдийг ажлын шаардлагаар биш бол зорчихыг хориглосон хэсэгт багтжээ. Хэрэв хосууд хөл хорионы дэглэм зөрчсөн нь нотлогдвол торгуулах хуультай.
Италид “Covid-19” халдварын шинэ тохиолдол өдөрт хэдэн зуугаас хэдэн мянгаараа нэмэгдэж буй энэ нөхцөлд хөл хорионы дэглэмийг зөрчсөн Роналдогийн үйлдлийг олон нийт буруушааж байна. Түүнээс өмнө Италийн Спортын сайд “Covid-19” халдвар авсан нь тогтоогдохоос өмнө үүргийнхээ дагуу олон улсад зорчсон нь олон нийтэд шүүмжлэлийн бай болсон юм.
Эх сурвалж: shuurhai.mn
