Эрүүл мэндийн яамнаас өнөөдөр мэдээлэл хийж, шинээр 27 тохиолдол илэрсэн талаар мэдээлэв. Үүний задаргааг ХӨСҮТ-ийн Тандалт, судалгааны албаны дарга А.Амбасэлмаа мэдээллээ.
Тэрбээр "Өчигдөр 11.00 цагт мэдээлэл хийснээс 27 хүнээс коронавирусийн халдвар илэрлээ. Өмнөх батлагдсан тохиолдлуудын ойрын хавьтал, ажиглан тусгаарлах байранд байсан. Мөн сүүлийн батлагдсан тохиолдлуудын ойрын хавьтал. Идэвхтэй байгаа голомтуудыг танилцуулбал,
- GB плазагийн голомт үргэлжилж байна. Нийт 25 хүн халдвар аваад байна.
- Бэлхийн гудамж дахь гутлын цехтэй холбоотой халдвар. Нийт 22 хүн халдвар аваад байна.
- СХД-ийн 21 дүгээр хорооллын "Содон" хороололд байрладаг супермаркетаас 8, 9 тохиолдол бүртгэгдсэн.
- Сүхбаатар дүүргийн 15, 16 дугаар хорооны Бэлхийн гудамжид халдвар үргэлжилж гарч байна.
Ингээд Улаанбаатарт батлагдсан тохиолдол 1024 болж байна.
Бусад халдвар гарсан аймагт шинээр халдвар бүртгэгдээгүй.
Дотоодын халдвар 1350 байна.
Улсын хэмжээнд нийт батлагдсан тохиолдол 1859, эдгэрсэн 1392 эмчлэгдэж байгаа 454 байна. Хөнгөн 376, хүндэвтэр 76, хүндэвтэр 1, маш хүнд 1 хүн байна. Сүүлийн 24 цагийн дотор 21 хүн эдгэрч эмнэлгээс гарсан байна" гэлээ.
