УОК-оос хөл хорио тогтоохтой холбоотой шийдвэрээ танилцууллаа. Хатуу хөл хориог энэ сарын 11-нээс эхлэн 23-ны 06:00 цаг хүртэл үргэлжилнэ.

Энэ тухай Шадар сайд, УОК-ын дарга Д.Амарсайхан “Уламжлалт Сар шинийн баярын өдрүүдээр УБ хотод хэсэгчилсэн бүх нийтийн өндөржүүлсэн бэлэн байдлын хүрээнд цар тахлын зарим голомтуудыг хумих, цаашид ажил амьдралдаа хэвлийн үргэлжлүүлэх боломж нөхцлийг бүрдүүлэхээр төлөвлөн ажиллаж байна.

Ингэхдээ эдийн засгаа сэргээх, иргэн төрийн байгууллага, бизнесийн салбарын харилцан уялдааг хангаж хийж хэрэгжүүлж байгаа ажлуудын шийдвэрүүд нээлттэй ил тод мэдээлж мэргэжлийн өндөр түвшинд ажиллахаар төлөвлөж байна. Засгийн газраас цар тахлын үеийг даван туулах үүний зэрэгцээ эдийн засаг, эрүүл мэндийн цогц хөтөлбөрийг хэрэгжүүлэхээр Ажлын хэсэг байгуулагдан ажиллаж байна. Ажлын хэсэг ойрын хугацаанд хөтөлбөрөө боловсруулж, ирэх долоо хоногийн Засгийн газрын хуралдаанд танилцуулна.

Хатуу хөл хорионы хугацаанд халдварыг 3-4 дахин бууруулна. Өнөөдөр гэхэд халдварын 20 гаруй голомт идэвхтэй байна.

Тиймээс замын хөдөлгөөнийг хязгаарлна. Нэг хаалга нэг-шинжилгээ хийнэ. Энэхүү ажилд нийт эмнэлгийн 280 баг ажиллана. Тэдгээр багийнхан 420.000 айл өрхийг оношлогоо шинжилгээнд хамруулна. Энэ ажил анх удаа зохион байгуулагдаж байгаа учраас алдаа дутагдал гарахыг үгүйсгэхгүй.

Иргэн гэрийнхээ ойролцоо газраас эрүүл мэнд, эм, хүнсний үйлчилгээгээ авна. Ингэхдээ заавал QR кодоо уншуулж байна.

Хөдөлгөөн зөвшөөрөгдөх иргэн, аж ахуйн нэгжүүд:

-Эмнэлэг, эмийн сан, эмнэлгийн хэрэгсэл

-Зөөврийн ус, түлш

-Хүнс

-Буяны ажилд оролцох хөдөлгөөн зөвшөөрөгдөнө.

Авто тээврийн шалган нэвтрүүлэх товчоодоор PCR шинжилгээг заавал шаардана.

Эх сурвалж: shuurhai.mn Г.ОЧИР