Авто тээврийн үндэсний төвөөс зохион байгуулж буй автомашины улсын дугаарын дуудлага худалдаа өнөөдөр /2021.2.15/ эхэллээ. Одоогоор 0011 УАР улсын дугаар 70.8 сая, 0101 УАР улсын дугаар 64.1 сая төргөгөөр зарагдлаа. Харин 0001 УАР улсын дугаар дээр үнэ хаялцсаар байна.
Одоогийн байдлаар энэ дугаарын үнэ хагас тэрбум төгрөгт дөхөж байна. Зам тээврийн хөгжлийн сайдын 2020 оны 12 дугаар сарын 18-ны өдрийн А/222 тоот тушаалаар “Автотээврийн хэрэгслийн бүртгэл хөтлөх улсын дугаар олгох журам” батлагдсан. Тус журмаар иргэдийн сонирхол татахуйц улсын бүртгэлийн дугаарын Үнэ хаялцуулах ажиллагааг Иргэний хуулийн 197 дугаар зүйлийн холбогдох заалтыг үндэслэн цахим хэлбэрээр зохион байгуулан явуулахаар зохицуулсан.
Үнэ хаялцуулах ажиллагаагаар олсон орлогыг холбогдох хууль тогтоомжийн дагуу тусгай санд төвлөрүүлэн хүүхэд хамгаалал, хөгжлийн бэрхшээлтэй иргэдэд зориулагдах ёстой аж.
