Өөрийгөө шатааж амиа хорлосон хэрэг дахин гарчээ.
Ховд аймгийн Дуут сумын нутаг Босго багийн Хөндлөнгийн ам гэх газар "Нэг хүн мотоциклоосоо шатахуун авч өөр дээрээ асган шатаж, нас барсан" гэх дуудлагыг аймгийн Онцгой байдлын газарт ирүүлсэн байна.
Дуудлагаар явж очиход тус сумын харьяат 17 настай, эрэгтэй М нь айлын гэрээс хулгай хийж байгаад баригдаж, мотоциклоосоо шатахуун авч, өөрийгөө шатааж, амиа алджээ.
Энэ тухай дуудлага мэдээллийг тус сум дахь Цагдаагийн хэсгийн төлөөлөгч аймгийн Онцгой байдлын газарт хоёрдугаар сарын 14-ны шөнийн 02:10 цагт өгчээ. Тус аймгийн Онцгой байдлын газар, Цагдаагийн газрын алба хаагчид 04:10 цагт Дуут сумын чиглэлд явсан бөгөөд 06:10 цагт очиж шалтгаан нөхцлийг тодруулан ажиллаж байгаа ажээ.
Эх сурвалж: shuurhai.mn Г.ОЧИР
