Эрдэмтэн Ван Гуанцянаар удирдуулсан Хятадын Цинхуа их сургуулийн эрдэмтэд бороо оруулах шинэ технологи туршсан талаар Жэнминь жибао мэдээллээ.
Эрдэмтдийн баг дууны долгионы нөлөө хур тунадасны хэмжээг 17 хувиар нэмэгдүүлдгийг тогтоон технологио боловсруулсан байна. Энэ технологийг Хятадын гандуу, хуурай бүс нутгуудад ашиглахаар төлөвлөжээ.
Шинэ технологи нь хөрсийг химийн бодисоор бохирдуулахгүй, алсын зайнаас удирдах боломжтой аж. Бороо оруулах төхөөрөмж нь "чанга яригч" шиг бөгөөд дизель түлшээр ажилладаг, 160 дБ хүртэлх хэмжээний дуу чимээ гаргадаг юм байна. Энэ хэмжээний дуу чимээ нь бүрэн хүчин чадлаараа ажиллаж буй тийрэлтэт хөдөлгүүрээс гарах чимээтэй ижил юм.
Цинхуа их сургуулийн эрдэмтэд хэдэнтээ туршилт хийн амжилттай болсон ч зарим шинжээчид тэдний ажлыг шүүмжилж байгаа аж. Учир нь хур тунадас ороход дуу чимээ нөлөөлдөг гэдгийг тайлбарлах шинжлэх ухааны үндэслэл одогоор байхгүй юм. Тиймээс бороо оруулахын тулд энэ аргыг удаа дараа давтах шаардлагатай болж байгаа гэнэ. Түүнчлэн дуу чимээ үүсгэх арга нь үр дүнтэй нь батлагдсан ч дуу чимээний бохирдол хүмүүсийн эрүүл мэндэд муугаар нөлөөлнө гэж зарим шинжээчид үзжээ.
Эх сурвалж: shuurhai.mn
