fbpx Оффшорчдын диваажин Люксембургийн “рентген зураг”
 
Энэ мэдээ хуучирсан буюу 2021/02/18-нд нийтлэгдсэн мэдээ болно.
Ангилал
Эдийн засаг
Огноо
Унших
11 минут 3 секунд

Оффшорчдын диваажин Люксембургийн “рентген зураг”

Үлгэрийн мэт төсөөлшгүй их хөрөнгө баялаг, этгээд хачин эзэнт улсын эрэлд мордохдоо заавал Африкийг зорих шаардлагагүй гэдгийг Францын “Ле Монд” сонины сэтгүүлчид хэлж байна. Тэд хөрш Люксембург улсад очиж, тэнд байгаа санхүүгийн баримт бичгүүдийг ухаж төнхөж үзжээ. Нам гүмхэн энэхүү жижигхэн вант улс үнэн хэрэг дээрээ Арабын шейхүүд, дэлхийн тэрбумтнууд, олон улсын корпорациуд, тамирчид, гэмт хэрэгтнүүдийн хувьд мөнгөө татвараас нуудаг асар том оффшор бүс болон хувирсан байна. 

 

Люксембургийн санхүүгийн төв өөртөө ямар нууцыг агуулж байна вэ гэсэн асуултын хариу өнөөг хүртэл олдсонгүй. Европын Холбооны /ЕХ/ төвд оршдог, дэлхийн хамгийн гол 5 оффшор бүсийн нэгэнд тооцогдож буй өчүүхэн жижиг гүнт улсын нууц агуулахад юу хадгалагдаж байна вэ?

 

“Le Monde” сонины сэтгүүлчид хэвлэл мэдээллийн 16 байгууллагатай хамтран жил гаруйн турш явуулсан OpenLux гэдэг нэртэй эрэн сурвалжлах ажиллагааны явцад дараах баримт тодорхой боллоо. Люксембургийн Их Гүнт улсад 6,5 их наяд еврогийн актив бүхий 55 мянган оффшор компани бүртгэлтэй байдаг аж. 

Оффис ч үгүй, ажилтнууд ч үгүй эдгээр хий үзэгдлийн компанийг тэрбумтнууд, олон улсын корпорациуд, тамирчид, жүжигчид, улс төрийн дээд зиндааныхан, хаадын гэр бүлийнхэн байгуулжээ. 2586 хав.дөр. км газар нутагтай Люксембург улс дэлхийн баялгийг соронзон мэт татна. Тайгер Вүүдс ба Эрмесийн гэр бүлийнхэн Шакира, Саудын Аравийн угсаа залгамжлах хунтайжтай хөрш залгаж амьдарна. LVMH, Kering, KFC, Amazon гэх мэт олон зуун корпорациуд Их Гүнт улсад охин компаниудаа байгуулжээ. Баячуудын гэр бүлийнхэн үл хөдлөх хөрөнгөнийхөө өгөөжийг хүртэж сууна. 

OpenLux-ын мөрдөлтийн явцад илрүүлсэн нэг зүйл бол хардлага төрүүлэхээр мөнгө хөрөнгө Люксембургт нууцаар байршиж байсан явдал юм. Эдгээр мөнгө нь гэмт бүлэглэлүүд, олон улсад эрэн сурвалжлагдаж буй гэмт хэрэгтнүүдийнх байж болзошгүй гэж сэжиглэх үндэслэл бий. Тухайлбал, Италийн мафийн “Ндрангета” гэдэг байгууллага, Оросын эрүүгийнхэнтэй холбоотой компаниудыг дурдаж болно. Италийн хэт барууны “Лига” намынхан Люксембургт хөрөнгөө нуужээ. Венесуэлийн дэглэмтэй холбоотой хүмүүс төрийн худалдан авалтаас луйвардаж олсон мөнгөө эргэлдүүлж байв.

Эрэн сурвалжлах ажиллагаа явуулахын тулд Le Monde сониныхон Люксембургт бүртгэлтэй 140 мянган байгууллагын /компани, сан/ эцсийн өмчлөгчдийн талаарх асар том өгөгдлийн санг байгуулж, 3,3 сая ширхэг захиргааны акт, санхүүгийн тайланд дүн шинжилгээ хийжээ. Эдгээр нь Люксембургийн худалдааны цахим бүртгэлийн сангаас олон нийтэд ил болгосон санхүүгийн баримтууд юм. Сэтгүүлчид тэдгээрт дүн шинжилгээ хийхийн тулд олон улсын хэвлэл мэдээллийн 16 байгууллага, тэдгээрийн дотор Германы Sьddeutsche Zeitung, Бельгийн Le Soir, Америкийн McClatchy, Люксембургийн Woxx, Италийн IrpiMedia сонинууд болон авлигын эсрэг OCCRP консорциумтай хамтран ажиллажээ.   

 

157 үндэстэн ястан цугласан газар

 

Эрэн сурвалжлах ажиллагааны дүнг харвал, Их Гүнт улс нь Лондон Сити ба Британийн Виржинийн арлуудын дундах жинхэнэ оффшор бүс болжээ. Дээрх компаниудын 90 орчим хувь нь гадаадынхны эзэмшилд байдаг ба 157 үндэстнийг төлөөлж буй эзэмшигчдийн дотор францчууд толгой цохиж байгаа бөгөөд тэд 17 мянган компанийг эзэмшдэг гэдгээрээ жагсаалтыг тэргүүлж байна. 

Тэдгээр компанийн активын хэмжээ нь үнэхээр гайхшрал төрүүлнэ. Тухайлбал, Саудын Арабын хан хүүгийн Франц дахь харш, Анжелина Жоли, Брэд Питт нарын усан үзмийн талбай, Номин эрэг дэх асар олон тооны харшууд, Парисын тансаг орон сууцнууд гэх мэт асар үнэтэй эд хөрөнгө Люксембургт байршдаг тухай ярьж буй хэрэг. Мөн Францын аж үйлдвэрийн манлай болсон Yves Rocher, Hermиs, JCDecaux, Decathlon зэрэг компанийн хөрөнгө ч бий. Нэг үгээр хэлбэл, Люксембургийн Их Гүнт улс Францын нэг хэсгийг эзэмшилдээ авчихсан мэт.

Франц ч гэсэн бас үүнээс хоцорсонгүй. Үл мэдэгдэх хөрөнгө оруулалтын сангууд Люксембургийн компаниудын тусламжтайгаар Берлин, Лондоны бүхэл бүтэн орон сууцны хорооллуудыг худалдан авч, үл хөдлөх хөрөнгийн үнийг хөөргөдөж байна. Тэдэнд илэрнэ гэх айдас байхгүй бөгөөд татвар төлөх шаардлагагүй. Олон улсын активуудын жагсаалт үнэхээр алмайруулж байна: тансаг байшингууд, орд харшууд, хөнгөн завиуд, нисдэг тэргүүд, хувийн нисэх онгоцнууд, урлагийн бүтээлүүд...

OpenLux ажиллагааны явцад олж тогтоосон эцсийн өмчлөгч болох 64 458 хүний нэрсийн жагсаалт нь дэлхий дахины баялгийн багагүй хэсгийг Люксембургийн Их Гүнт улс өөртөө төвлөрүүлсэн гэдгийг нотолж байна. Тухайлбал, Форбес сэтгүүлд дурдагдсан дэлхийн 2 мянга гаруй тэрбумтнуудаас 279 хүн, Францын хамгийн чинээлэг 50 гэр бүлийн 37-ийнх нь нэрс жагсаалтад бий. Тэд Люксембургийн олон арван холдинг компаниар дамжуулан өөрсдийн компаниуд, эд хөрөнгө, хөрөнгө оруулалтаа хянаж байдаг. 

 

Татварын диваажин

 

Дэлхийн баячууд Люксембургийг сонгож буй нь хэд хэдэн шалтгаантай. Тодруулбал, тус улс Европын Холбооны төвд байрладаг, санхүүгийн үйлчилгээний чанарын стандарт өндөр, бизнесийнхэнд ээлтэй санхүүгийн дүрэм журамтай, төрийн байгууллагуудтай шууд харилцах боломжтой, улс төрийн байдал нь тогтвортой. Гэхдээ хамгийн гол хүчин зүйл бол татвар ба бусдад анзаарагдахгүйгээр үйл ажиллагаа явуулах боломж. Энэ бол Ерөнхий сайд асан Жан-Клод Юнкерийн /хожим Европын Комиссын тэргүүн болсон/ үед гаргасан улс төрийн шийдвэрүүдийн үр нөлөө юм.

2014 онд явагдсан LuxLeaks эрэн сурвалжлах ажиллагаанаас хойш Люксембургийн эрх баригчид олон улсын том корпорациудтай хэт өндөр ашиг өгөх хэлцлүүд байгуулахаас зайлсхийх болжээ. Гэсэн хэдий ч санхүүгийн хөнгөлөлтийн тогтолцооны нөлөөгөөр олон аж ахуйн нэгж, чинээлэг хүмүүсийн хувьд Люксембург нь татвараа төлөвлөхөд ээлтэй газар хэвээр байна. Зарим тохиолдолд уг тогтолцоог урвуулан ашиглаж, татвараас зайлсхийх оролдлогууд гарсаар.    

Оффшорын цар хүрээ улам тэлсээр люксембургчууд улс орноор нь дамжиж буй санхүүгийн урсгалыг үр дүнтэйгээр хянах хүн хүчний нөөцгүй болжээ. Хүний нөөц нь жижигхэн вант улсын хэмжээнд тохирч байгаа хэдий ч оффшорыг хянахад яагаад ч хүрэлцэхгүй байна. Худалдааны бүртгэлийн албанд ердөө 59, Санхүүгийн салбарыг хянах Комисст 90 хүн ажиллаж байгаа аж.   

 

Бага татвараар бусдыг татахаар оролдож буй улс бол ганцхан Люксембург биш ээ. Гэхдээ тус улсад явуулсан эрэн сурвалжлах ажиллагаа нь татварын тогтолцоог урвуулан ашиглаж буйг анх удаа баримтжуулан нотолсон юм.

 

2018 онд ЕХ-ны баталсан “Бүх гишүүн улс дахь аж ахуйн нэгжүүдийн эцсийн эзэмшигчдийн ил тод жагсаалтыг бүрдүүлэх” тухай удирдамжгүйгээр "ОpenLux"-ыг явуулах боломжгүй байсан. 10 жилийн туршид үргэлжилсэн санхүүгийн дуулиан шуугиан 2016 онд оргилдоо хүрч, “Панамын баримт бичгүүд” ил болсны дараа дээрх түүхэн шинэчлэлийг хийсэн билээ. Өнгөрсөн 10 жилийн хугацаанд мөрдөгчид болон татварын албаныхан “нэг өдрийн компани”, “хуурамч нэрээр бүртгүүлсэн компани” гэх мэт зүйлстэй олонтоо тулгарч байв.  

Люксембург бол ЕХ-ны удирдамжийг хамгийн түрүүнд биелүүлсэн улсуудын нэг бөгөөд 2019 оны намар эцсийн эзэмшигчдийн жагсаалтыг гаргасан аж. Тэгэхээр ил тод байдлын үр нөлөө гарч байна гэж санагдмаар. Гэвч OpenLux-ын ажиллагааны явцад илэрсэн дутагдлууд нь улс орнууд өөрсдийн санхүүгийн тогтолцоог үр дүнтэйгээр хянах, уг жагсаалтын найдвартай, үнэн зөв байдлыг хангаж чадаж байна уу гэдэг тал дээр эргэлзээ төрүүлж байгаа юм. Учир нь, Люксембургт бүртгэлтэй компаниуд ба сангуудын тал орчим хувийнх нь эцсийн жинхэнэ эзэмшигч нь өнөөг хүртэл тодорхойгүй байна.  

Гэтэл ЕХ-ны удирдамжид “эцсийн жинхэнэ эзэмшигчдийн талаарх мэдээллийг ил тод болгох нь иргэний нийгмийн хяналтыг өргөжүүлэх боломжийг олгож, худалдааны операци ба санхүүгийн тогтолцоо шударга байгаа гэдэгт итгэх итгэлийг батжуулахад тус дөхөм болно” гэж дурдсан нь бий.

Люксембургийн санхүүгийн төвийн үнэн төрхийг илчлэхийн тулд бид тус улсад бүртгэлтэй 140 мянган компанийн жинхэнэ эзэмшигчид ба тэдний санхүүгийн актив хөрөнгийн талаар урьд хожид байгаагүй өргөн хүрээтэй мэдээллийн баазыг бий болголоо. Үүний тулд эцсийн эзэмшигчдийн талаарх Люксембургийн бүртгэл дэх хязгаарлагдмал байдлаар ил болгосон олон сая баримтыг цуглуулсан юм. Бүтэн жилийн туршид бид олон улсын хэвлэл мэдээллийн Sьddeutsche Zeitung, Le Soir, OCCRP, IrpiMedia, McClatchy, Woxx, iStories, Arij, Krik, Bivol, investigace.cz, Piauн, Tempo, Armando Info, La Naciуn, Inkyfada гэсэн 16 байгууллагатай хамтран ажиллалаа.

OpenLux гэдэг нь ЕХ-ны төв дэх оффшор бүс болох Люксембургийн нууцлаг байдлыг илчлэх зорилгоор Францын Le Monde сонины редакцийн Les Dйcodeurs бүлгээс явуулсан эрэн сурвалжлах ажиллагааны нэр юм. 

 

 

Б.Адъяахүү

Эх сурвалжууд: https://www.lemonde.fr/les-decodeurs/article/2021/02/08/openlux-luxembourg-radiographie-d-un-paradis-fiscal_6069143_4355770.html

https://inosmi.ru/politic/20210209/249093958.html

Ерөнхий сайд Л.Оюун-Эрдэнэ АНУ-ын Элчин сайдтай уулзаж Pfizer вакцин авахад дэмжлэг үзүүлэхийг хүслээ
Ерөнхий сайд Л.Оюун-Эрдэнэ АНУ-ын Элчин сайдтай уулзаж Pfizer вакцин авахад дэмжлэг үзүүлэхийг хүслээ
 
E-Mongolia Олон улсын вэб хуудасны хүртээмжтэй байдлын WCAG стандартыг хангаж Дохион хэлмэрчтэй боллоо
E-Mongolia Олон улсын вэб хуудасны хүртээмжтэй байдлын WCAG стандартыг хангаж Дохион хэлмэрчтэй боллоо
Энэ мэдээ хуучирсан буюу 2021/02/18-нд нийтлэгдсэн мэдээ болно.

Шинэ мэдээ

E-Mongolia Олон улсын вэб хуудасны хүртээмжтэй байдлын WCAG стандартыг хангаж Дохион хэлмэрчтэй боллоо

E-Mongolia Олон улсын вэб хуудасны хүртээмжтэй байдлын WCAG стандартыг хангаж Дохион хэлмэрчтэй боллоо

Төрийн үйлчилгээний хүртээмж, хялбар байдлыг нэмэгдүүлэх чиглэлээр Зам, тээврийн яам түүний харьяа байгууллагуудтай уулзалт зохион байгууллаа

Төрийн үйлчилгээний хүртээмж, хялбар байдлыг нэмэгдүүлэх чиглэлээр Зам, тээврийн яам түүний харьяа байгууллагуудтай уулзалт зохион байгууллаа

Төрийн үйлчилгээний хүртээмж, хялбар байдлыг нэмэгдүүлэх гэмт хэрэг зөрчлөөс урьдчилан сэргийлэх чиглэлээр Цагдаагийн ерөнхий газартай уулзалт зохион байгууллаа

Төрийн үйлчилгээний хүртээмж, хялбар байдлыг нэмэгдүүлэх гэмт хэрэг зөрчлөөс урьдчилан сэргийлэх чиглэлээр Цагдаагийн ерөнхий газартай уулзалт зохион байгууллаа

О.Алтангэрэл: Түлшний барьцалдуулагчтай холбоотой асуудал гарвал хариуцлага тооцно

О.Алтангэрэл: Түлшний барьцалдуулагчтай холбоотой асуудал гарвал хариуцлага тооцно

Г.Пүрэвдэлгэр: Олон нийтийн сүлжээнд гарсан дээрх мэдээллийг үнэн бодит эсэхийг эхний ээлжинд яаралтай шалгаж тогтооно

Г.Пүрэвдэлгэр: Олон нийтийн сүлжээнд гарсан дээрх мэдээллийг үнэн бодит эсэхийг эхний ээлжинд яаралтай шалгаж тогтооно

Арлын агуу хоёр хүчирхэг үндэстэн

Арлын агуу хоёр хүчирхэг үндэстэн

“Л.Оюун-Эрдэнэ шазруун байна аа...”

“Л.Оюун-Эрдэнэ шазруун байна аа...”

“SocialPay Loves Movie” урамшууллыг зарлалаа

“SocialPay Loves Movie” урамшууллыг зарлалаа

Б.Билгүүн “Бүх Одод”-ын тоглолтоос өөрийн хүсэлтээр татгалзлаа

Б.Билгүүн “Бүх Одод”-ын тоглолтоос өөрийн хүсэлтээр татгалзлаа

Ж.Золжаргал: “Хүүхдээ угаартаж нас барсныг мэдээлэх юм бол хэрэг нээнэ шүү” гэж ээжийг нь дарамталсан явдал үнэхээр аймшигтай DNN.mn

Ж.Золжаргал: “Хүүхдээ угаартаж нас барсныг мэдээлэх юм бол хэрэг нээнэ шүү” гэж ээжийг нь дарамталсан явдал үнэхээр аймшигтай DNN.mn

Таны, бидний хувийн мэдээлэл хаана явна вэ...?

Таны, бидний хувийн мэдээлэл хаана явна вэ...?

Цалинтай ээж: Монголд 50 мянга, Солонгос 2.6 сая төгрөг авч байна

Цалинтай ээж: Монголд 50 мянга, Солонгос 2.6 сая төгрөг авч байна

Түрээс, орлогын зохистой харьцаа алдагджээ

Түрээс, орлогын зохистой харьцаа алдагджээ

Д.Трампын тарифын бодлогыг хүчтэй шүүмжилсэн хэвээр байна

Д.Трампын тарифын бодлогыг хүчтэй шүүмжилсэн хэвээр байна

“Үхэл үгүй мөнхөөрөө, үргэлж 25 настайгаа байх” мөрөөдөл биелэх боломжтой

“Үхэл үгүй мөнхөөрөө, үргэлж 25 настайгаа байх” мөрөөдөл биелэх боломжтой

БНСУ-ын “Nice information service” болон “Korea university”-ийн төлөөлөгчид E-Mongolia системтэй танилцаж, туршлага судаллаа

БНСУ-ын “Nice information service” болон “Korea university”-ийн төлөөлөгчид E-Mongolia системтэй танилцаж, туршлага судаллаа

Шведэд сургуулийн байранд гал нээсний улмаас 10 хүн амиа алджээ

Шведэд сургуулийн байранд гал нээсний улмаас 10 хүн амиа алджээ

Х.Нямбаатар: Трамвай нь метроны төслөөс эдийн засгийн хувьд 10 дахин бага өртөгтэй, нэг удаад 150-300 хүн тээвэрлэх боломжтой

Х.Нямбаатар: Трамвай нь метроны төслөөс эдийн засгийн хувьд 10 дахин бага өртөгтэй, нэг удаад 150-300 хүн тээвэрлэх боломжтой

“Утаа дуусахаас өмнө сонсголоо хийж амжлаа“

“Утаа дуусахаас өмнө сонсголоо хийж амжлаа“

“Оношлогдож буй хүмүүсийн дийлэнх нь ходоодны хавдартай байна“

“Оношлогдож буй хүмүүсийн дийлэнх нь ходоодны хавдартай байна“

Дээд шүүхийн шийдвэрийг УИХ үл тоож, Даваагийн Цогтбаатарт “дабл стандарт” үйлчилж байна

Дээд шүүхийн шийдвэрийг УИХ үл тоож, Даваагийн Цогтбаатарт “дабл стандарт” үйлчилж байна

Золиосны хүүхэд ба буруу гараар орсон өв соёл

Золиосны хүүхэд ба буруу гараар орсон өв соёл

Н.Ганбямба: Ухаахудаг яахаараа Тавантолгойгоос гадна яригдаад байдаг юм бэ?

Н.Ганбямба: Ухаахудаг яахаараа Тавантолгойгоос гадна яригдаад байдаг юм бэ?

ГОЛОМТ БАНК ХК-ИЙН ТӨЛӨӨЛӨН УДИРДАХ ЗӨВЛӨЛИЙН ХАРААТ БУС ГИШҮҮНИЙГ СОНГОН ШАЛГАРУУЛАХ ЗАР

ГОЛОМТ БАНК ХК-ИЙН ТӨЛӨӨЛӨН УДИРДАХ ЗӨВЛӨЛИЙН ХАРААТ БУС ГИШҮҮНИЙГ СОНГОН ШАЛГАРУУЛАХ ЗАР

1 сарын хугацаанд иргэд E-Mongolia системээр дамжуулан 3,063,567 төрийн үйлчилгээг амжилттай авсан байна.

1 сарын хугацаанд иргэд E-Mongolia системээр дамжуулан 3,063,567 төрийн үйлчилгээг амжилттай авсан байна.

ХЭРЭЭ БОЛГОНЫ УЛАЙ БОЛСОН УЛААНБААТАР БУЮУ ЛУЙВРЫН ХОТ-I

ХЭРЭЭ БОЛГОНЫ УЛАЙ БОЛСОН УЛААНБААТАР БУЮУ ЛУЙВРЫН ХОТ-I

ХӨСҮТ: Шинжилгээний хариу гараагүй байна

ХӨСҮТ: Шинжилгээний хариу гараагүй байна

Сү.Батболд: “Энержи Ресурс” компани өөрийнхөө оруулсан зардлын хүрээнд Ухаа худгийн ордыг авсан

Сү.Батболд: “Энержи Ресурс” компани өөрийнхөө оруулсан зардлын хүрээнд Ухаа худгийн ордыг авсан

Ардчилсан нам Лу.Гантөмөрийг даргаараа сонгосон нь оносон бололтой

Ардчилсан нам Лу.Гантөмөрийг даргаараа сонгосон нь оносон бололтой

Л.Оюун-Эрдэнэ “Та нар оройтсон” гэсэн чинь Эм Си Эс “Бид оройтоогүй ээ” гээд үзэлцээд байгаа юм уу?!

Л.Оюун-Эрдэнэ “Та нар оройтсон” гэсэн чинь Эм Си Эс “Бид оройтоогүй ээ” гээд үзэлцээд байгаа юм уу?!

 
 
 



​​​​​​​

Эхлэл · Бидний тухай · Редакцийн бодлого · Холбоо барих
​​​​​​​© 2011 - 2023 Бүх эрх хуулиар хамгаалагдсан Шуурхай.мн

​​​​​​​