Худалдан авах ажиллагааны тухай хуулиар улс төсөвт бүхий  л байгууллагын худалдан авах үйл ажиллагаанд тендер зарладаг. Энэ дагуу зарласан тендерүүд сонирхол татах аж.

Хамгийн сүүлд гэхэд Монголбанк 300 сая төгрөгөөр бялдаржих тоног төхөөрөмж авах гэж байгаад цуцлагдсан. Өмнөговь аймгийн ИТХ-ын дарга Б.Бадраад 257 сая төгрөгийн Lexsus 570 машиныг авч өгөх гэж байгаад бас л баригдлаа.

Тэгвэл нэгэн сумын Засаг даргын тамгын газар хүнс татах тендер зарлажээ. Сургууль, цэцэрлэг, эмнэлгийн байгууллага биш албан газарт яагаад ийнхүү хүнс захиалах болов.

Тодруулбал, Хөвсгөл аймгийн Рэнчинлхүмбэ сумын Засаг даргын тамгын газраас захиалж 87.1 сая төгрөгийн хоол хүнс захиалах тендерийг зарлажээ. Албан контор хүнс худалдан авах болсон нь ямар учиртайг албаны хүмүүс тайлбарлах хэрэгтэй болоод байна.

Эх сурвалж: shuurhai.mn Г.ОЧИР