Монгол Улсад өнгөрсөн 24 цагийн хугацаанд 35 хүнээс коронавирусийн халдвар илэрчээ. Халдварууд Улаанбаатарт бүртгэгдсэн бөгөөд орон нутагт халдвар илрээгүй байна.
Нийт халдвараас 7 нь "Нэг шинжилгээ нэг хаалга" арга хэмжээний хүрээнд илэрчээ. Ингэснээр энэ арга хэмжээний үед нийт 9 хоногийн хугацаанд 54 хүнээс халдвар илэрчээ. Үүнээс 26 нь анхдагч шинжилгээгээр батлагдсан. 28 нь эдгээр хүмүүсийн гэр бүл ойр дотны хүмүүс найз нөхдөөс илэрсэн байна.
Ингэснээр Улаанбаатарт нийт халдвар 1646 болж улсын хэмжээнд каластр халдварын тоо 2072 болжээ. Харин сайн мэдээ гэвэл 27 хүн эмчлэгдэн гэртээ гарсан бол улсын хэмжээнд нийт халдвар 2586 болсон гэж ХӨСҮТ-ийн Тандалт судалгааны албаны дарга А.Амбасэлмаа мэдээллээ.
Эх сурвалж: shuurhai.mn Г.ОЧИР
