СБД-ийн Эрүүгийн хэргийн анхан шатны шүүгч З.Болдбаатар, Улсын дээд шүүхийн ТГ-ын ХНХ-ийн дарга асан Д.Отгонбаатар, өмгөөлөгч ажилтан Б.Баасанцогт, АТГ-ын ажилтан П.Чулуунбаатар, СБД ЧД БЗД-ийн Эрүүгийн хэргийн анхна шатны шүүгч Х.Идэр нар Parkview хотхоны 752 дугаар байранд цугларч эмэгтэйчүүдтэй архидан согтуурсан бичлэг олон нийтэд ил болж багагүй шуугиан дэгдээгээд байна.
Цагдаагийн байгууллагаас уг хэргийг шалгаж эхэлсэн бөгөөд нэр бүхий дээрх хүмүүс биеэ үнэлэлт зохион байгуулсан эсэхийг шалгаж эхэлжээ.
Тэгвэл тус байрнаас бичлэг хэрхэн яаж задарсан нь анхаарал татаж байгаа юм. Тухайн байрны хяналтын камерын бичлэгийг тус байрны СӨХ хариуцдаг юм байна. Бик кастел гэх ХХК-ийн хариудаг орон сууцны үйлчилгээний давхарт тус байрны хяналтын камерын сервер байдаг аж. Гэвч бичлэг задарсан асуудал дэгдсэнээс хойш уг компани хаалттай болжээ. Өөрөөр хэлбэл, амралтын өдрөөс хойш хүн ирээгүй гэнэ.
Эх сурвалж: shuurhai.mn Г.ОЧИР
