Монголын үндэсний олимпийн хорооны ерөнхийлөгч Н.Түвшинбаяр, ерөнхий нарийн бичгийн дарга Э.Бадар-Ууган нар “Идэвхтэй хөдөлгөөн-Спортын шилжилт”-ийн төлөвлөгөөгөө Ерөнхий сайд Л.Оюун-Эрдэнэд танилцууллаа.
Төлөвлөгөөг:
- Идэвхтэй, эрүүл үндэстэн
- Ялагч үндэстэн
- Спортын эко систем бүрдүүлэх
- Спорт-Хөдөлгөгч хүч
- Универсал төслүүд гэсэн чиглэлээр боловсруулж, 2024 он хүртэл үе шаттай хэрэгжүүлэхээр төлөвлөсөн байна.
Ерөнхий сайд Л.Оюун-Эрдэнэ Засгийн газар эртэч, эрүүл, идэвхтэй, жингийн илүүдэлгүй монгол болохыг иргэддээ уриалж байгаа энэ үед хамтран ажиллах болсонд талархал илэрхийлж, боломжит бүх хэлбэрээр дэмжлэг, туслалцаа үзүүлэхээ илэрхийлэв. Эртэч, эрүүл, идэвхтэй, жингийн илүүдэлгүй монгол болох уриалга, зорилтоо хэрэгжүүлэхийн тулд МҮОХ-ны ерөнхийлөгч Н.Түвшинбаярыг Ерөнхий сайд Л.Оюун-Эрдэнэ зөвлөхөөрөө ажиллуулах боллоо гэж Засгийн газрын Хэвлэл мэдээлэлтэй харилцах газраас мэдээллээ.
