Нийслэлийн Засаг даргын Тамгын газар болон Энэтхэг Улсын Логин байгууллага хамтран төрийн албан хаагчдыг чадавхжуулах, төрийн албан хаагчийн сургалтын хөтөлбөр боловсруулах чиглэлээр ажиллахаар болсон. Энэ хүрээндхоёр тал Монгол Улсын Төрийн албаны зөвлөлийн удирдлагууд, тус байгууллагын төлөөлүүдтэй албан уулзалт хийлээ.

Төрийн үйлчилгээг хүнд чирэгдэлгүй, шуурхай, шударга хүргэхэд тухайн үйлчилгээг үзүүлж буй төрийн албан хаагчийн чадвар, мэргэшсэн байдлаас ихээхэн хамаардаг. Тиймээс төрийн албан хаагчдын, ялангуяа анхан шатны нэгжид ажиллаж байгаа ажилтнуудын чадавх, ур чадварыг дээшлүүлэх, мэргэшүүлэх шаардлагатай. Энэ хүрээнд төрийн албан хаагчдыг чадавхжуулах сургалтуудыг тус байгууллагатай хамтран хийх юм.

 “ЛОГИН”-ы багийн ахлагч Прета Лалл “Төрийн албан хаагчдын сургалтын хөтөлбөрийн цогц агууллагыг боловсруулах чиглэлээр ажиллаж байна. Нийслэлийн хэмжээнд ажиллаж байгаа албан хаагчдийн хэрэгцээнд суурилж ажиллана. Хотын хүн амын төвлөрөл ихэсч байгаатай холбоотойгоор ямар ур чадвар, дадал, сургалт хэрэгтэй вэ гэдгийг судалж тэр хэрэгцээнд нийцүүлж хөтөлөрөө гаргана” хэмээв.

ЛОГИН нь төвлөрлийг сааруулах, орон нутгийн засаглалыг бэхжүүлэхэд чиглэсэн зорилгын дор нэгдсэн Зүүн өмнөд Азийн орнуудын оролцогч байгууллагуудын сүлжээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.