УИХ-аас "Оюу толгой" ордын үйл ажиллагаа, гэрээг сайжруулах Ажлын хэсэг байгуулагдаад байгаа билээ. Тус ажлын хэсгийн гишүүн Ц.Даваасүрэн "Оюу толгой" орд дээр ажиллаад ирсэн талаар анхаарууштай мэдээлэл хуваалцжээ. Тэрээр 

"Өнгөрсөн бямба гаригт буюу 3 сарын 5-6-ний өдрүүдэд Оюу толгойн ордын үйл ажиллагаатай Ажлын хэсэг танилцав.

Сайн тал:

-Манай уул уурхайн залуу инженерүүд далд уурхайн өндөр технологид суралцаж байна.Газар доор дийлэнх нь манайхан ажиллаж байна. Хэдхэн европи царайтай зөвлөхүүд хамт байв. Өмнөд хөршийнхөн дайралдсангүй.

-Аюулгүй ажиллагааны дүрмийг маш сайн мөрддөж байна. Манайхан үүнээс суралцах хэрэгтэй.

Муу тал:

-Барилга байгууламж хооронд ямар ч засмал зам талбай алга, шороон зам, шороотой зогсоол хүнийрхүү хонцын сэтгэл эндээс харагдаж байна. 

-Ажилчид нь сендвичин байшинд тохьгүй удаан хугацаагаар гэр бүлээсээ хол амьдардаг болохоор сэтгэлзүйн дарамттай байдаг бололтой.

-Удирдлагын баг нь компаний зардал өсбөл цалин нь нэмэгддэг дэлхийд байхгүй урамшлуулалын системээр ажиллана. Нийт зардлын 6% тэнцэх хэмжээгээр санхүүжинэ. Энэ нь манай нөөцийн төлбөрөөс(5%) өндөр болсон. (зардал нь борлуулалтаас давсан). Тийм учраас ОТ алдагдалтай ажиллаж ноогдол ашиг хуваарилахгүй. Анхны хөрөнгө оруулалт 5.1 тэрбум ам доллар байсан бол 2015 онд ТЭЗҮ-дээ өөрчлөлт оруулж хөрөнгө оруулалт өнөөгийн байдлаар 20 тэрбум ам доллар болтлоо өссөн байна.

-Рио тинто гол ашгаа зээлийн хүүгийн төлбөр хэлбэрээр авна. Жилдээ 600-700 сая ам доллар буюу өдөрт 1.5-2.0 сая ам доллар зээлийн хүүд төлж байна.

-ОТ монгол улсад бүртгэлтэй компани атлаа борлуулалтын орлогоо дотоодын банкны татварт бүртгэлтэй дансаар оруулахгүй. г.м асуудлууд бн. Энэ бүхнийг хэлэлцээний ширээний ард тавих болноо гэдгээ хэллээ. Хөрөнгө оруулалт харилцан үр ашигтай байх ёстой болохоос баялгын эзнээ өрөнд оруулж дарамталж болохгүй билээ.

Онгоцны цонхноос Оюу толгой, Эрдэнэт ийм л харагдаж байна" хэмээн дараах зургийг хуваалцжээ.

Эх сурвалж: shuurhai.mn