Монгол Улсад өнгөрсөн 24 цагийн дотор коронавирусийн 80 шинэ тохиолдол батлагджээ. Улаанбаатарт 79, Төв аймагт нэг хүнээс халдвар илэрсэн байна.
Ингэснээр Улаанбаатарт батлагдсан халдвар 2687 болж, улсын хэмжээнд нийт тохиолдол 3561 болж байна.
Сүүлийн 24 цагт 50 хүн эдгэрч эмнэлгээс гарснаар нийт тохиолдлын 80 хувь буюу 2847 хүн эдгэрчээ.
Шинээр илэрсэн 80 тохиолдлын 3-ынх нь халдварын эх уурхай тодорхойгүй, 65 хүн нь анхны шинжилгээгээр, 12 хүн 2 дахь удаагийн шинжилгээгээр халдвар батлагджээ.
Халдвар тодорхойгүй 3 хүний байршил СХД-ийн 26, БЗД-ийн 14, ХУД-ийн 2 дугаар хороонд амьдардаг аж.
Улсын хэмжээнд нийт 697 хүн эмчлүүлж байгаагаас 646 хүний бие хөнгөн, 46 хүн хүндэвтэр, 6 хүн хүнд, 2 хүн нэн хүнд байгаа ажээ.
