Унгар улсад ажиллаж амьдарч байсан монгол иргэн коронавирусийн халдвараар өчигдөр орой нас баржээ.
Талийгаач Унгар улсад олон жил гэр бүлээрээ ажиллаж амьдарч байсан байна. Энэ талаар Монгол Улсаас Унгар улсад суугаа Элчин сайд З.Батбаяр мэдээллийг хуваалцжээ. Тэрээр "Муу мэдээ хүргэж байгаадаа хүлцэл өчье. Унгар улсад халдварын 3-р давалгаа хүчтэй өрнөж, энэ давалгаанд харамсалтай нь Монгол иргэд маань ч өртөөд байгаа билээ.
Өчигдөр орой Монгол улсын нэгэн иргэн маань ковид хэмээх энэ гайтай өвчний улмаас хорвоог орхин одлоо. Хань ижил, үр хүүхдүүд, ойр дотныхонд нь гүн эмгэнэл илэрхийлье. Унгар улсад олон жил гэр бүлээрээ амьдарсан 2 хүүхэдтэй энэ иргэний хойчийн дурсгалыг хүндэтгэн үзэхийг хүсэж байна.
Унгар улсад өнгөрсөн 24 цагт шинээр илэрсэн халдварын тоо харьцангүй буурч 4926 болсон ч байдал хүнд хэвээр байна. Харамсалтай нь өнгөрсөн 34 цагт 143 хүн нарт хорвоог орхин оджээ. Яг одоо актив халдвартай 155 227 хүн байна.
Эмнэлэгт 9844 (!!!) хүн эмчлүүлж, 1067 хүн амьсгалын аппаратанд байна.. (Энэ 2 тоо байдал ямар хүнд байгааг харуулж байгаа юм. Хэрвээ өнгөрсөн хавар зун Унгарын ЗГ зохих бэлтгэлийг хангаагүй бол одоо эмнэлэг ачааллаа даахаа больж тун том аюул болох байлаа.)" гэжээ.
Эх сурвалж: shuurhai.mn
