Нийслэлийн Баянзүрх дүүргийн 26-р хорооны нутаг дэвсгэрт коронавирусний халдвар голомтлон гарах эрсдэл үүссэн тул дүүргийн Засаг дарга өнөөдөр буюу гуравдугаар сарын 17-ны 06:00 цагаас гуравдугаар сарын 21-ний 23:00 цаг хүртэл хязгаарлалтын дэглэм тогтоох тухай захирамж гаргажээ.
Учир нь тус дүүрэгт өчигдөр гэхэд шинээр 63 тохиолдол бүртгэгдсэн байна. Үүнээс 26 дугаар хороонд хамгийн олон тохиолдол гарч байгаагаас үүдэж ийнхүү хөл хориог тогтоож байгаа ажээ.
Хязгаарлалтын дэглэм тогтоосон хугацаанд тухайн хорооны иргэдээс өргөтгөсөн тандалт судалгаа явуулж, шинжилгээ авах бөгөөд хороог бүхэлд нь халдваргүйжүүлэх аж. Мөн ахмад настнуудыг вакцинжуулах ажлыг энэ хугацаанд гүйцэтгэх болсныг дүүргийн Онцгой комиссоос мэдэгдлээ.
Эх сурвалж: shuurhai.mn
