Ерөнхий сайд асан Ж.Эрдэнэбат УИХ-ын гишүүн тангараг өргөхтэй холбоотой Ерөнхийлөгч Х.Баттулга УИХ-ын чуулганы танхимд үг хэлэв.
Тэрээр “АТГ нүсэр ажлыг 2 жил гаруй болж байна. Ажлууд овоо явж байна, гэхдээ эхэлж байгаа. Одоогийн нөхцөл байдлаа Ж.Эрдэнэбат нэг тайлбарлачих болов у угэж бодож байна. Ж.Эрдэнэбатын хувьд бага залуугаасаа аймгийн Засаг дарга байсан, Монгол Улсын Сангийн сайд байсан, Ерөнхий сайд байсан. Хариуцлагыг өөрөө ухамсарлах хэмжээний ийм албан тушаал дээр байсан хүн учраас би зориудаар хэлж байгаа юм.
Одоогийн нөхцөл байдлаар шүүхээр шийдэгдэж эрүүгийн үүссэн хэрэг явдал нь шийдэгдээгйзү тохиолдол яаран сандран ингэж томилох хэрэг байна уу. Тэртээ тэргүй энэ УИХ-д тал хагасаас нь илүү гэмт хэрэгтэн байгаа. УИХ-д орж ирж хамгаалагддаг. Энэ процесс маш эрчимтэй явж байгаа.
Түрүүчийн 2016 онд бий болсон УИХ ч ийм байсан. Тал хувиас илүү нь гэмт хэрэгтэн, ЖДҮ-чин байсан. Энэ нөхцөл байдалтай холбоотойгоор Ж.Эрдэнэбат тангаргаа жаахан хүлээж болохгүй юу. Чи залуу хүн байна, төрийн өндөр албан тушаалуудыг хашсан. Ёс зүй яриад байна шүү.
Мэдээллүүдийг харахад Ерөнхий сайдын үүрэг гүйцэтгэгч байхдаа өөртөө хамаарал бүхий лицензүүдийг өөрийнхөө компани дээр гарын үсэг зураад авчихсан. 207 оны 9 дүгээр сарын 13-ны тогтоол гарчихсан байгаа. Энэ бол арай болохгүй зүйл. Үүн дээр хэрэг үүсгэсэн. Шалгуулсан. Одоо хэрэг мөрдөн байцаах шатанд явж байгаа. Хэрэв Ерөнхий сайд болонгуутаа өөртөө хамаарал бүхий ААН-үүдэд ингээд газрын баялгийн лизензүүдийг аваад байвал бид нар ээлж дараалан Ерөнхий сайд нар болоод газрын баялгийг өөрөө өөртөө гарын үсэг зураад аваад байх боломж байх ёстой юм уу.
Сая УИХ-ын хаврын ээлжит чуулганаар нээлт хийхэд УИХ-ын дарга шударга ёсны тухай баахан үг хэлсэн. Хэлж байгаа үгтэй чинь тангараг өргөх ёслол нийцэж байгаа юм уу. Сөрөг хүчин АН ямар бодолтой байгаа юм бэ. Хэдийгээр УИХ бага ард түмний төлөөлөл гэж бид ярьдаг байсан боловч өнөөдөр биш болсон. Яагаад гэвэл сонгууль мөнгө болсон. Сүүлийн 20 жилийн ярьсан браьсан бодлогын дагуу иргэд ядуу болсон, зориудаар ядууруулсан. Халамж өгдөг болсон. Сонгууль мөнгөнийх болсон, мөнгө уул уурхайгаас орж ирдэг болсон. Тийм учраас энэ УИХ бага ард түмэн биш болсон шүү.
Ж.Эрдэнэбат өөрөө нэгийг бодно биз. Хар залуугаараа аймгийн Засаг дарга байсан, Сангийн сайд, Ерөнхий сайд болсон хүн энэ тухай нэгийг бодсон байлгүй дээ” Хэмээв.
