Засгийн газрын Хэвлэл мэдээлэлтэй харилцах газраас вакцинжуулалттай холбоотой асуудлаар мэдээлэл хийх үеэрээ Дубайн гэрээтэй холбоотой асуултад хариулт өглөө.
Засгийн газрын Хэвлэл мэдээлэлтэй харилцах газрын дарга Ц.Ганзориг "Ерөнхий сайд өмнө нь Засгийн газрын Хэрэг эрхлэх газрын дарга байхдаа Оюутолгойтой хэлэлцээр хийх ажлын хэсгийг ахалж ажиллаж байсныг та бүхэн мэднэ.
Хэрэг эрхлэх газрын дарга байхдаа ч Ерөнхий сайд болоод ч байр сууриа илэрхийлсэн. Дубайн гэрээ гэж ярьдаг 2014 оны Дубайн төлөвлөгөөг цуцлах саналтай байр суурьтай байгаагаа дахин илэрхийлсэн" гэв.