Өнөөдөр шинээр 170 тохиолдол шинээр илэрсэн талаар ХӨСҮТ-ийн дэд захирал Э.Тэмүүлэн мэдээллээ. Тэрбээр "Сүүлийн 24 цагийн дотор 170 шинэ тохиолдол бүртгэгдлээ. Нийт батлагдсан тохиолдол 4976 болж байна. 168 нь нийслэлд, 2 нь Төв аймагт бүртгэгдсэн. Ингэснээр дотоодод халдвар авсан хүний тоо 4443 боллоо.
Сүүлийн 24 цагт 126 хүн эмнэлгээс гарсан байна. Эдгэрсэн хүний тоо 3477 болж, эдгэрэлт 71 хувьтай байна.
Эх уурхай тодорхойгүй 10 хүн байна. БЗД-ийн 23 дугаар хороо, БГД-ийн 1, СХД-ийн 3, 18, 25, 34, 39 дүгээр хороонд бүртгэгдсэн байна.
Нийт 1365 хүн эмчлэгдэж байгаагаас хөнгөн 1191, хүндэвтэр 159, хүнд 12, маш хүнд 3 байна" гэлээ.
