С.Зоригийг хөнөөсөн хэрэгт буруутгагдан 3 шатны шүүхээс ял сонсоод байгаа Т.Чимгээгийн ах Т.Хүрэлбат өлсгөлөн зарлаад 6 дахь хоногоо өнгөрөөж байна.
Тэрээр аллагын хэргийн хавтаст хэргээс шинэ мэдээллийг сэтгүүлчдэд өгөв. Тодруулбал, тус мэдээллийг дүү нь Т.Чимгээ нь өмнө нь хэлж байсан байна. Нууцын зэрэглэлтэй гэдэг үүднээс ярьж байгаагүй хэмээв.
Тэрээр “Т.Чимгээтэй уулзаж байхад надад хэлж байсан юм. Тагнуулын мөрдөн байцаагч Бархасбадь 2016 оны 9 дүгээр сарын 2-нд “Ганхуяг, Булган, Чимгээ, Содномдаржаа, Отгонбаатар, Амгаланбаатар, Бат-Үүл нар Зоригийн амь насыг зохион байгуулалттайгаар хөнөөсөн нь хавтаст хэрэгт авагдсан нотлох баримтаар хангалттай нотлогдож байна гэж мэдэгдсэн байдаг. Тийм ч учраас Э.Бат-Үүлийг 1986 оны ЭБШТХ-ийн дагуу санаатайгаар улс төрийн аллага зохион байгуулсан хэргээр яллагдагчаар татсан байдаг. Гэтэл Булганыг, Ганхуягий, Бат-Үүлийг бүгдийг нь суллачихсан.
Нийслэлийн хяналтын прокурор Батжаргал “Э.Батүүл нь энэ хэргийг зохион байгуулсан гэх нотлох баримт байхгүй байна” гээд яллагдагчаар татсан тогтоолыг хүчингүй болгочихсон. Харин Чимгээ, Содномдаржаа хоёрыг онц хэрцгийгээр хүний амь хөнөөсөн гээд буруутгачихсан” хэмээв.
Эх сурвалж: shuurhai.mn
