Туул голын эрэг дээр хамгаалалтын бүсэд орсон 19 ААН-ийн газрыг цуцалжээ. Энэ нь Хан Хиллс орчимд байгаа газрууд аж.

Энэ тухай Хотын захиргаанаас "Нийт 22 ААН-ийн газар эзэмших судалгаа байдгаас энэ удаад 19-ийг нь хүчингүй болгосон. Гурван компанийн газарт барилга баригдсан байгаа учраас барилгаас бусад газрыг нь хүчингүй болгоно. Газар олголтын хугацаа нь хамгийн уртдаа 15 жилээр олгодог. Эдгээр ААН-үүд янз бүрийн хугацаатай байсан. Тухайн иргэн аж ахуйн хувьд нөхөн төлбөр яригдана. Хэрэв дуудлага худалдаагаар авсан бол ямар хэмжээний зардлаар авсан зэргийг харгалзан харилцан тохиролцоно. Засаг даргын 2021 оны захирамжийн хүрээнд тухайн газрыг ундны усны ай сав газрын хүрээнд буцааж авсан.

Ойн сан, усан сан бүхий газруудад ажлын хэсгүүд гарч судалгаа хийж буй. Тус судалгааны дагуу шалгаж байна. 2009 оны тогтоолоор тухайн газар нутаг нь энгийн хамгаалалтын бүсэд байсан. 2021 онд Засаг даргын ажлын хэсэг байгуулагдаж уг тогтоолд нэмэлт өөрчлөлт оруулахаар ажиллаж байна" гэлээ.