Боксын олимп, ДАШТ-ий хүрэл медальт, гавьяат тамирчин Д.Отгондалай “Элч тамирчин” болжээ. Д.Отгондалайд энэхүү нэр хүндтэй шагналыг Монголын үндэсний хүмүүнлэгийн хорооны гүйцэтгэх захирал С.Пүрэвсүрэн гардуулсан байна. Д.Отгондалай гавьяат сүүлийн үед тэмцээн уралдаанд оролцохгүй байгаа бөгөөд залуу тамирчидаа дэмжих зорилгоор Үндэсний шигшээ багаас чөлөөлөгдөх хүсэлтээ гаргасан аж. Тэрээр боксын спортоор олимп, ДАШТ-нд өндөр амжилт үзүүлсэнээс гадна Азийн АШТ, “Инчён-2014” Азийн наадамд түрүүлж, Тайландын эзэн хааны цомоос хошой алтан медаль хүртсэн билээ.
