Баяр наадмын өдрүүдээр нийслэлээс орон нутгийг 30 гаруй мянган иргэн зорьсон билээ.
Орон нутгууд нийслэлчүүдийн хөлд хэрхэн дарагдаж байгаа фото агшнууд олон нийтийн сүлжээгээр нэг байна. Түүнээс гадна ингэж орон нутгийг зорьсон иргэдэд шаардлагатай үйлчилгээ хангалттай бус байх ч тохиолдол бий. Энэ дунд шатахуун түгээгүүрийн үйлчилгээ худалдан авагчдын сэтгэлд нийцэхгүй, үл ойлголцол гарах тохиолдол ч цөөнгүй байгаа аж. Үүний нэг нь Завхан аймаг дахь Петровис ШТС-д болсон явдлыг иргэд олон нийтийн сүлжээнд хуваалцжээ.
Твиттерт @eku_b хаягтай иргэн "Завхан аймгийн Нөмрөг суманд 2 цаг гаруй жолооч нар оочерлож бензин авч байхад 570 унасан хоёр бөх урдуур дайрч бензин авав. Иргэд ШТС-ын ажилтанд шаардлага тавьтал "Зайл, та нарт бензин өгөх албагүй. Та нар дайрч авч чадахгүй бол хохино" гэнэ" хэмээн тус ШТС-ын ажилтны зураг болон урдуур дайрч бензин аваад явсан бөхчүүдийн автомашины зургийг нийтэлжээ.
Тэдгээр бөхчүүд улсын заан Д.Бумбаяр, Б.Пүрэвсайхан нар байсан гэх мэдээлэл байна.
Эх сурвалж: shuurhai.mn Г.ОЧИР
