Эрүүл мэндийн яамнаас COVID-19 цар тахлын үед оношилгоо, эмчилгээний нөөц бүрдүүлэхдээ нэгж бүтээгдэхүүнд зарцуулж буй үнийн мэдээллийг Эрүүл мэндийн сайд С.Энхболд өөрийн цахим хуудсаараа мэдээллээ.
Тэрээр "Цар тахлын үед олон олон эм, оношлуур, эмнэлгийн тоног төхөөрөмж ханган нийлүүлдэг байгууллагуудтай хамтран ажиллаж байна.
Хэдий бүгд хувийн хэвшлийн байгууллагууд ч гэлээ нийгмийн хариуцлагаа дээдэлж, ашгийг урьтал болголгүй ажиллаж, цар тахлыг даван гарахад хамтран ажиллаж байгаад талархалаа илэрхийлмээр байна.
ЭМЯам анх PCR оношлуурыг 55,000төг, ремдезивир тариаг 149,600 төгрөгөөр худалдан авч байсан бол худалдан авах үйлдвэрлэгчидийн сонголтыг өргөтгөж мөн олон улсдаа бөөнөөр үйлдвэрлэх явц нэмэгдэж үнэ хямдарч өнөөдөр ЭМЯам нөөц бүрдүүлэхэд зориулан PCR оношлуурыг 28,000төг, ремдезивир тариаг 50,000 төгрөгөөр худалдан авч байна.
Мэдээж чанар чухал. Гэхдээ чанартайг нь ч худалдан авахдаа нэг ч төгрөгийг нэг гэлтгүй хэмнэж чадвал "олны олон таван цэн" гэдэг шиг хэмнэлт бүрээс бид илүү олон оношлуур, эм тариаг худалдан авах боломж бүрдэж тэр хэрээр илүү олон хүнийг эмчилж, оношилж чадна" гэжээ.
