Шатахуун импортлогчид энэ сарын 8-ны өдөр литр шатахууны үнийг 300 төгрөгөөр нэмсэн. Жишээлбэл, АИ92 бензин 1750 төгрөг болсон. Тэгвэл үүнтэй холбоотойгоор ШӨХТГ-аас шатахуун импортлогч, үйлдвэрлэгч 26 компанид торгуулийн арга хэмжээ авахаар болжээ.
Тухайлбал, шатахууны чанарын доголдол, стандарт шаардлагыг удаа зөрчсөн зарим аж ахуйн нэгжүүдийн тусгай зөвшөөрлийг цуцлуулах саналыг ШӨХТГ-аас Уул уурхай хүнд үйлдвэрийн яам болон Ашигт малтмал, газрын тосны газарт хүргүүлэх юм.
Энэ талаар ШӨХТГ-ын дарга Б.Бат-Эрдэнэ “Шатахуун чанар, стандарт шалгалтын дүнг энэ сарын 20-ны өдөр олон нийтэд мэдээлнэ” гэлээ.
