fbpx Биеийн тамир, дуу хөгжмийн хичээлийг зөвхөн онолын хэлбэрээр зохион байгуулахаар болсон
 
Энэ мэдээ хуучирсан буюу 2021/08/20-нд нийтлэгдсэн мэдээ болно.
Ангилал
Нийгэм
Огноо
Унших
2 минут 6 секунд

Биеийн тамир, дуу хөгжмийн хичээлийг зөвхөн онолын хэлбэрээр зохион байгуулахаар болсон

Коронавируст халдварын нөхцөл байдлын талаарх Эрүүл мэндийн яамны ээлжит мэдээллийн цаг эхэллээ.

Эрүүл мэндийн яамны хэвлэлийн төлөөлөгч Б.Ууганбаяр "Сүүлийн 14 хоногийн хугацаанд дельта хувилбарын халдвар орон нутагт төдийгүй Улаанбаатарт нэмэгдэх эрсдэл бий боллоо. Өдөрт шинээр батлагдаж байгаа тохиолдлуудын 35-80 хүртэл хувь нь дельта хувилбар эзэлж байна. Тиймээс иргэд халдвар хамгааллын дэглэмээ маш сайн баримтлах шаардлагатай" гэв.

Сургууль, цэцэрлэгийн үйл ажиллагаанд мөрдөгдөх дүрэм, журмыг Эрүүл мэндийн яамны хэлтсийн дарга Д.Баярболд танилцуулав.

Тэрбээр "Эрүүл мэндийн сайд болон Боловсрол, шинжлэх ухааны сайдын хамтарсан тушаалаар өчигдөр хоёр журам батлагдсан. Уг журмаар Бүх нийтийн болон Өндөржүүлсэн бэлэн байдлын зэргийн үед 4-5 настай хүүхдийн бүлгийг ажиллуулах, анги дүүргэлтийн хувьд нэг хүүхдэд 1.5 ам метрээс доошгүй талбай ногдох бөгөөд 15-25 хүүхэд нэг ангид хичээллэнэ.

Мөн сургалтыг холимог буюу цахим, танхимын хичээлээр явагдах тул эцэг эхчүүд хүүхдээ цэцэрлэгт өөрсдийн сонголтоор явуулна.

Түүнээс гадна, цэцэрлэг болон ЕБС-ийн сурагчдыг амны хаалтаа авах, хоорондоо хэт ойр байх нөхцөлийг бүрдүүлэхүйц хичээл буюу биеийн тамир, дуу хөгжмийн хичээлийг зөвхөн онолын хэлбэрээр зохион байгуулахаар болсон. Тодруулбал, хичээл дээр хүүхэд гүйж, дуу дуулахгүй гэсэн үг.

ЕБС-ийн сурагчид 5/9-ийн зарчмаар хичээллэнэ. Мөн хүн амын дунд зонхилон тархсан вирусийн хувилбараас хамаарч 4/10 гэсэн зарчмаар хичээллүүлэх юм.

Сургалтыг мөн холимог хэлбэрээр явуулах бөгөөд анги дүүргэлт 20 хүртэл хүүхэдтэй бол хэвийн явуулна. Харин 20-оос дээш хүүхэдтэй бол нэг ангид заавал 20 хүртэл хүүхэдтэй байхаар зохицуулна" хэмээн ярив.

“Токио-2020” паралимпын наадамд оролцох манай улсын баг тамирчдын эхний ээлж Япон улсыг зорилоо
“Токио-2020” паралимпын наадамд оролцох манай улсын баг тамирчдын эхний ээлж Япон улсыг зорилоо
 
Хууль, хяналтынхны “царцаасан” хэргүүдийг ХЗДХ-ийн сайд Х.Нямбаатар зарлана
Хууль, хяналтынхны “царцаасан” хэргүүдийг ХЗДХ-ийн сайд Х.Нямбаатар зарлана
Энэ мэдээ хуучирсан буюу 2021/08/20-нд нийтлэгдсэн мэдээ болно.

Шинэ мэдээ

 
 
 
Ирэх сараас ипотекийн зээл олголт хэвийн болно
Залуу гэр бүлүүдийн хувьд байртай болох ганц боломж нь ипотекийн зээлд хамрагдах байдаг. Гэвч цар тахлаас үүдэж сүүлийн жилүүдэд ипотекийн зээл олголт багасаж, зарим банк зээлийн хүсэлт авахгүй