fbpx У.Хүрэлсүх: Монгол Улс НҮБ-тай хөгжүүлж ирсэн хамтын ажиллагаандаа өндөр ач холбогдол өгдөг
 
Энэ мэдээ хуучирсан буюу 2021/09/03-нд нийтлэгдсэн мэдээ болно.
Ангилал
Нийгэм
Хэзээ
2021/09/03
Унших
1 минут 44 секунд

У.Хүрэлсүх: Монгол Улс НҮБ-тай хөгжүүлж ирсэн хамтын ажиллагаандаа өндөр ач холбогдол өгдөг

Монгол Улсын Ерөнхийлөгч У.Хүрэлсүх өнөөдөр НҮБ-ын Суурин зохицуулагч Тапан Мишраг хүлээн авч уулзав.

Ерөнхийлөгч У.Хүрэлсүх НҮБ нь манай улсын нийгэм, эдийн засаг, хөгжлийн зорилтуудыг тууштай дэмжиж ирсэн чухал түнш болохыг тэмдэглээд Монгол Улс НҮБ-тай хөгжүүлж ирсэн харилцаа, хамтын ажиллагаандаа өндөр ач холбогдол өгдгийг нотлон илэрхийлэв. Мөн дэлхий дахинаа тулгамдаад буй КОВИД-19 цар тахалтай тэмцэх, урьдчилан сэргийлэх чиглэлээр дэмжлэг үзүүлэн хамтран ажиллаж ирсэнд талархал илэрхийлээ.

сонин mn

Цаашид уур амьсгалын өөрчлөлт, байгаль орчны доройтол, цөлжилт, шар шороон шуургатай тэмцэх, залуучуудын эрүүл мэнд, боловсролын асуудлаар хамтран ажиллах боломжтойг тэмдэглэлээ.

сонин mn

НҮБ-ын Суурин зохицуулагч Тапан Мишра Монгол Улсын Ерөнхийлөгчөөр сонгогдсонд нь баяр хүргээд, Ерөнхий сайдаар ажиллах хугацаандаа Тогтвортой хөгжлийн зорилтуудыг нутагшуулах чиглэлээр үр дүнтэй хамтран ажилласанд талархал илэрхийлэв. Мөн үндэсний урт хугацааны бодлого, тэргүүлэх чиглэлтэй холбогдуулан тогтвортой хөгжил, экосистем болон хүрээлэн буй орчин, хүүхэд залуучуудыг дэмжих зэргээр хамтран ажиллахаа нотлов.

Монгол Улс НҮБ-д элссэний 60 жилийн ой 2021 онд тохиож буйтай холбогдуулан Монгол Улсын Засгийн газар, НҮБ-ын Суурин зохицуулагчийн газар хамтран НҮБ-ын гишүүн болсны түүхэн ач холбогдлыг олон нийт, тэр дундаа хүүхэд, залуучуудад таниулах чиглэлээр олон арга хэмжээ хэрэгжүүлж байна.

Нэмэлт гурав дахь тунд 49.831 иргэн хамрагдаад байна
С.Цэвээн: Гомдож байсан сэтгэлийг минь Д.Сумьяабазар үнэхээр баярлуулж чадлаа
Энэ мэдээ хуучирсан буюу 2021/09/03-нд нийтлэгдсэн мэдээ болно.

Шинэ мэдээ